“Саха сирэ эйигин кытта!” көмөнү хомуйуу өрөспүүбүлүкэтээҕи ыстааба мобилизацияламмыт дьоҥҥо көмөнү байыаннай дьайыылар буола турар сирдэрин чугаһыгар илдьиэҕэ. Бу туһунан ыстаап салайааччыта Айыл Дьулурҕа иһитиннэрдэ.
— Биһиги урут көмөнү Илиҥҥи байыаннай уокурук чаастарыгар, Уһук Илин куораттарыгар тиэрдэр буоллахпытына, билигин баһыылкалары “итии туочукаларга”, байыаннай дьайыы чугаһыгар тиэрдиэхпит, — диэн кини эттэ.
Өрөспүүбүлүкэҕэ көмө мунньуллар ыскылаата, тырааныспар баар. Байыаннай чаастары кытары сибээс олохтоммут. Айыл Дьулурҕа этэринэн, ыстаап үлэтин Биир кэлим электроннай былаһааккаҕа саҕалаабыт. Манна байыаннай сулууспалаахтар сайаапкалара түмүллэр эбит.
—— Электроннай былаһаакка байыаннайдар көөдөһүүлэригэр суһаллык хардарарга көмөлөөх. Өрөспүүбүлүкэ наадалаах сэби-сэбиргэли атыылаһар. Ол эрээри, ыстааппыт тэрилтэлэртэн уонна чааһынай дьонтон көмөнү ыларын салгыыр. Байыаннай чаастарга сылаас таҥас, мэдиссиинэ аптечкалара олус наадалар, — диэн кини бэлиэтээтэ.
“Саха сирэ эйигин кытта!” мобилизацияламмыт дьоҥҥо көмө пууна маннык аадырыска баар: Дьокуускай к., Орджоникидзе уул., 10-с дьиэтэ. Сарсыарда 10 чаастан киэһэ 7 чааска диэри үлэлиир.
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…
Ил Дархан Айсен Николаев бэҕэһээ, тохсунньу 9 күнүгэр, оробуочай сырыытынан Дьокуускайга баар Искэн киинин үлэтин…
СӨ Ил Дархана Айсен Николаев тохсунньу 9 күнүгэр Дьокуускайга 253 үөрэнээччилээх 1 №-дээх орто оскуола…