Көмөнү оҥоруу күннэтэ күүһүрэр

Share

«Биир ньыгыл Арассыыйа» баартыйа Саха сиринээҕи салаатын сэкирэтээрин солбуйааччыта, баартыйа Саха сиринээҕи салаатын бэлитиичэскэй Сэбиэтин президиумун чилиэнэ, «Чолбон»  спортивнай  комплекс дириэктэрэ Петр Черкашин байыаннай сулууспалаахтарга уонна кинилэр дьиэ кэргэттэригэр баартыйа өттүттэн көмө утумнаахтык бара турарын туһунан бэлиэтээн эттэ.

— Дойду бары эрэгийиэннэрэ, ол иһигэр Саха сирэ, Арассыыйа аармыйатыгар күүстээх моральнай уонна гуманитарнай көмөнү күүскэ оҥоро олороллор. Дойду Бэрэсидьиэнэ В.В. Путин, СӨ Ил Дархана А.С. Николаев байыаннай сулууспалаахтары уонна кинилэр дьиэ кэргэттэрин өйөөһүн туһунан Ыйаахтарынан «Биир ньыгыл Арассыыйа» баартыйа Саха сиринээҕи салаатын өттүттэн көмөнү оҥоруу күннэтэ күүһүрэр.
Бу хайысхаҕа Ил Дархан өрөспүүбүлүкэ үрдүнэн эбии саҥа дьаһаллары ылынар туһунан Ыйааҕынан байыаннай сулууспалаахтарбыт уонна кинилэр дьиэ кэргэттэрэ судаарыстыба эбэтэр муниципальнай былаас бас билиитигэр баар сир учаастагын түүлэһиигэ иэстэриттэн, төлөбүрдэриттэн, нолуоктарыттан босхолоноллор. Маны тэҥэ Ил Дархан бу дьоммут уопсастыбаннай тырааныспарынан босхо айанныылларыгар, байыаннай сулууспалаах оҕото култуура, успуорт, эбии үөрэхтээһин тэрилтэлэригэр сылдьарыгар чэпчэтии курдук эбии өйөбүлү олохтуурга эттэ. Ил Дархан А.С.Николаев байыаннай сулууспалаах уонна кини дьиэ кэргэнэ кинилэргэ бары өттүнэн өйөбүл, социальнай көмүскэл баарыгар эрэллээх буолуохтаахтарын бэлиэтээтэ.
Маннык Ыйаах тахсыыта буойуттарбытыгар уонна кинилэр дьиэ кэргэттэригэр улахан суолталааҕын үчүгэйдик өйдүүбүт. Манан сибээстээн салайар тэрилтэм иһинэн байыаннай сулууспалаах оҕолоро бассейҥҥа дьарыктаныыларыгар чэпчэтиилэри киллэрдим. Баартыйа Саха сиринээҕи салаатын сэкирэтээрин ыччаты кытта үлэҕэ солбуйааччытын быһыытынан байыаннай эпэрээссийэҕэ сылдьар буойуттарбыт чааһынай дьиэҕэ олорор дьиэ кэргэттэригэр хаар ыраастааһыныгар, хаһаайыстыбаҕа көмөҕө хас субуота, өрөбүл ахсын субуотунньуктары ыытан көмөлөһө турабыт.
Ил Дархан А.С. Николаев ааспыт сылга таһаарбыт дьаһалын олоххо киллэриигэ улуустарга баартыйа олохтоох салааларын актыбыыстара, баартыйа чилиэнэ салайааччылар буойуттарбытыгар уонна кинилэр дьиэ кэргэттэригэр араас өрүттээх көмөнү оҥорууну тэрийбитинэн, үлэлээбитинэн барбыттара. Ил Дархан Ыйааҕын олоххо киллэрии түмүгэр билигин уопсастыбаннай тырааныспарга босхо айан, оҕоҕо оскуолаҕа босхо аһылык, Саха сиригэр оҕо лааҕырдарыгар босхо путевка, төрөппүтү оҕо уһуйаанын усунуоһуттан  босхолооһун, оҕо саадыгар, лааҕырыгар, интэринээккэ босхо киирии, санаторийга, курортка босхо эмтэнии уо.д.а. курдук, социальнай өйөбүллэр баар буоллулар.
Уустук быһыы-майгы тирээтэҕинэ, дьон-норуот биир сомоҕо буолан, Сахабыт сирэ Ийэ дойдуларын көмүскүү аттаммыт биир дойдулаахтарбытыгар тус көмөтүн күннэтэ ыыта олорор. Арассыыйа бары байыаннай сулууспалаахтарыгар дойду салалтата туруорбут соруктарын толорон, буойуттарбыт этэҥҥэ эргиллэн кэлэллэригэр баҕарабын!

What’s your Reaction?
+1
0
+1
0
+1
0
+1
0
+1
0
+1
0
+1
0

Recent Posts

  • Быһылаан
  • Сонуннар

Уулуссаҕа оҕону кырбаабыт эр киһиэхэ холуобунай дьыала тэрилиннэ

Дьокуускайга Стадухина уулуссаҕа 14 саастаах уолу кырбаабыт 45 саастаах эр киһиэхэ холуобунай дьыала тэрилиннэ. Бу…

6 минут ago
  • Сонуннар
  • Сүрүн

Ил Дархан  Ил Түмэн спикерин кытары көрүстэ

Алтынньы 18 күнүгэр Саха Өрөспүүбүлүкэтин Ил Дархана Айсен Николаев уонна СӨ Судаарыстыбаннай Мунньаҕын (Ил Түмэн)…

7 минут ago
  • Сонуннар
  • Уопсастыба

Арассыыйаҕа нэдиэлэ устата ордук үрүҥ ас сыаната үрдээтэ

Ааспыт нэдиэлэттэн Арассыыйа үрдүнэн ордук үрүҥ ас сыаната үрдээтэ. Алтынньы 8-14 күннэригэр дойдуга сыана хайдах…

36 минут ago
  • Интэриэһинэй
  • Сонуннар

“Саха сирэ” хаһыат бүгүн тугу суруйда?

“Саха сирэ” хаһыат бүгүн ”Тыа сирэ - уйгу төрдө” диэн анал таһаарыылаах таҕыста. Анал сыһыарыыны…

50 минут ago
  • Сонуннар
  • Уопсастыба

Саха сиригэр бэйдиэ сылдьар кыылларга сыһыаннаах тэрээһиннэр үбүлээһинин улаатыннарар санаалаахтар

Саха сиригэр хаһаайына суох бэйдиэ сылдьар кыыллары иитии тэрээһиннэригэр үбүлээһини  улаатыннаран, 100 мөл. солк. диэри тиэрдэр…

51 минута ago
  • Байыаннай эпэрээссийэ
  • Сонуннар
  • Уопсастыба

Социальнай харысхал өрөспүүбүлүкэтээҕи киинэ байыастарга анаан оптуобус туттарда

Социальнай харысхал өрөспүүбүлүкэтээҕи комплекснай киинэ Донбасска Хотугулуу-илиҥҥи көмөнү уонна өйөбүлү оҥоруу пуондатыгар ПАЗ-32054 оптуобуһу туттарда.…

56 минут ago