Бүгүн, олунньу 24 күнүгэр, Кемерово куоракка сарсыҥҥыттан саҕаланар «Азия оҕолоро» кыһыҥҥы спортивнай иккис оонньуулары көрсө оонньуулары төрүттээбит Саха сирин бастакы бэрэсидьиэнигэр Михаил Ефимович Николаевка анаммыт быыстапка тэрилиннэ.
Ыалдьыттарга уонна кыттааччыларга анаммыт быыстапканы «Николаев-центр» тэрийдэ. Манна оонньуулар хайдах тэриллибиттэрин, сайдыыбыттарын туһунан сиһилии кэпсэнэр экспонаттар туруорулуннулар. Быыстапка үөрүүлээх арыллыытыгар СӨ успуорка уонна физкултуураҕа миниистирэ Леонид Спиридонов, Ил Түмэн ыччат дьыалаларыгар, физкултуураҕа уонна успуорка сис кэмитиэтин бэрэссэдээтэлэ Михаил Гуляев, быйылгы оонньуулар кэмитиэтин вице-бэрэсидьиэнэ Азат Мурадов уо.д.а. кыттыыны ыллылар.
«Саха Өрөспүүбүлүкэтин бастакы бэрэсидьиэнэ Михаил Ефимович Николаев инникини өтө көрөн, оҕо успуорда сайдыытыгар болҕомтотун ууран, «Азия оҕолоро» оонньуулары тэрийбитэ. Онтон ыла сайдыы суола сөптөөхтүк баран, оонньуулар суолталара улааппыта үөрдэр. Саха сиригэр саҥа спортивнай эбийиэктэр тутуллан, билигин дьону чөл олоххо, успуорка угуйан үлэлии тураллар. Кыттааччыларга ситиһиилэри баҕарабын», — диэн Ил Түмэн ыччат дьыалаларыгар, физкултуураҕа уонна успуорка сис кэмитиэтин бэрэссэдээтэлэ Михаил Гуляев санаатын эттэ.
Салгыы кыһыҥҥы иккис оонньуулары тэрийэр кэмитиэт вице-бэрэсидьиэнэ Азат Мурадов: «Быыстапка тэриллибитин көрөн олус үөрдүм. 1995 сыллаахха Михаил Ефимович Николаев бастакы оонньуулары тэрийэр туһунан ыйаах баттаабытыттан саҕалаан Азия дойдуларыгар оҕо успуорда сайдарыгар улахан хамсааһын барбыта саарбахтаммат. Оччолорго бастакы оонньууларга аҕыс дойдуттан 250 оҕо кыттыбыт буоллаҕына, билигин бу сыллар тухары оонньууларга 12 тыһыынчаттан тахса оҕо кыттыбыта биллэр. Оонньуулартан кынаттанан үгүс спортсмен улахан успуорка бэйэтин суолун булла. Быыстапканы көрөн кыттааччылар, ыалдьыттар «Азия оҕолорун» устуоруйатын кытта билсиэхтэрэ дии саныыбын. Тэрийээччилэргэ махтанабын», — диэн тыл эттэ.
Быыстапка «Кузбасс» муус дыбарыаска оонньуулар бүтүөхтэригэр диэри үлэлиэҕэ.
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…