@suntaar_ulus
Сунтаар улууһун Кэмпэндээйититтэн 50 км тэйиччи сытар Талыгыр диэн сиргэ бизоннары тутар питомник үлэлээбитэ үһүс сылыгар барда.
Айылҕа ресурсатын кэҥэтиигэ, экосистеманы тупсарыыга стратегическай бырайыак быһыытынан үлэлиир «Тумара» бизонарийга кыыллар үһүс сылын кыстыыллар. Бу сайын хааччахтан ыытыллан көҥүлгэ 3 ый устата сырыттылар. Бу кэм иһигэр питомниктан 120 килэмиэтир ыраатан Намана үрэх тардыытынан Өлүөхүмэ кыраныыссатыгар тиийэ сырыттылар. Элбэх астаах-үөллээх сиртэн үлэһиттэр араас албастары туһанан төттөрү үүрэн аҕаллылар.
Кэмпэндээйи сиригэр кыыллар этэҥҥэ төлөһүйэ улаатаннар, кинилэргэ эбии 10 бизону аҕалан ыыттылар. Ойуур бизона дойду үрдүнэн 5000, ол иһигэр Саха сиригэр 300 баар. Сүтэн эрэр кыыллары элбэтиигэ энтузиаст дьон, улуус дьаһалтатын уонна экология министиэристибэтин өйөбүлүнэн иитэллэр. Кинилэри чинчийиигэ биология институтун анал үөрэхтээхтэрэ кэтээн көрөллөр. Маннык идэлээх дьон республикаҕа биэстэр.
Чинчийээччилэр кэтээн көрүүлэринэн ойуур бизона ортотунан 25 сааһыгар диэри олорор. Питомникка бастакы кэлбит кыыллар 4 саастарын туолан төрүүр-ууһуур кэмнэригэр кэллилэр. Онон бу күннэргэ Сунтаар улууһугар бастакы бизон төрүөҕэ.
Хаһаайыстыба тупсаҕай көстүүлээх, үлэһиттэр олорор усулуобуйалара табыгастаах буоларын курдук базаны кэҥэтиигэ тустаах үлэ барар. Манна сканди истииллээх анал тутуулар бааллар. Инникитин да сайыннарар, тупсарар былааннаахтар.
@suntaar_ulus
Күн бүгүҥҥүттэн үлэ күнүн кыраапыгын оҥоһуу өй (ИИ) былаанныан сөп. Үлэ эйгэтэ олус түргэнник уларыйан,…
Дьокуускай киинигэр Киров уулуссаҕа баар түүҥҥү аралдьытар тэрилтэ аттыгар түөрт киһи икки уолу кырбаабыттар. Бэрэбиэркэ…
Тымныы полюһа Өймөкөөн Тымныытын сирэйдиир икки мэҥэ бэлиэ баар – Дьыл оҕуһа уонна Чысхаан. Тымныы…
Ил Дархан Айсен Николаев Дьокуускайга оробуочай сырыытынан кэлбит «Газпромбанк» АУ вице-бэрэсидьиэнинэн, «Үрдүк технологиялаах мэдиссиинэ көмөтө»…
СӨ Бырабыыталыстыбатын Бэрэссэдээтэлин солбуйааччы Сергей Местников, дойду Бэрэсидьиэнин Владимир Путин быһа эпиирин кэннэ, өрөспүүбүлүкэҕэ култууралар…
Силиэстийэлиир кэмитиэтин (СК) баһылыга РФ Бэрэсидьиэнин быһа сибээһигэр этиллибит Саха Өрөспүүбүлүкэтин олохтоохторун бырааптара кэһиллибитин туһунан…