куйаар аһаҕас ситимиттэн
Арассыыйа сорох туһанааччылара Windows 11 операционнай система саҥардыытын туруоруммуттарын кэннэ, «күөх экран» (Blue Screen of Death, BSOD) диэн ааттанар алдьаныы тахсар буолбутун көрүстүлэр. Бу туһунан Shot telegram-ханаал иһитиннэрдэ.
«Арассыыйа олохтоохторо Windows 11 саҥа саҥардыллыбытын кэннэ «күөх экраҥҥа» түбэстилэр. Саҥардыы (одновление) көмпүүтэр өйүн сотор уонна SSD-диискэлэри алдьатар», — диэн Shot иһитиннэриитигэр суруллар.
Сонуҥҥа бэлиэтэнэринэн,кыһалҕа ордук 60%-тан элбэх информациянан толору диискэлэргэ күүскэ дьайар эбит. KB5063878 индекстээх саҥардыы атырдьах ыйыгар тахсыбыта. Оччолорго Европа дойдуларын уонна Япония олохтоохторо бу алдьаныыны көрсөн, тэхиниичэскэй өйөбүл сулууспатыгар үҥсэргиир этилэр.
«Windows 11 KB5063878 саҥардыыта сотуллубат. Мин алҕас кодун уонна ону туоратар ньымалары булбутум да, dism хамаанда да, саҥардыы киинин алҕастарын көннөрүү да кыһалҕаны булбата, барыта этэҥҥэ диэн суруйаллар», — диэн биир туһанааччы Microsoft саайтыгар суруйар.
Билиҥҥи туругунан, Microsoft корпорация бу саҥардыыны туруоруу уонна киэҥник тарҕаммыт алдьаныылар сибээстээхтэрин бигэргэтэр официальнай иһитиннэриини оҥоро илик. Маннык быһыыга-майгыга, система үлэтин сөргүтэр быһаарыынан туруоруллубут саҥардыыны төттөрү эргитэн, урукку туругар төннөрүү буолар.
Урут иһитиннэриллибитинэн, Microsoft корпорация 40 сылга чугаһыыр кэм иһигэр аан бастакытын Windows операционнай системаҕа үгэс буолбут «күөх экраны» дьүһүнүн уларытарга бэлэмнэнэр. Экран өҥө хара өҥүнэн солбуллуоҕа. Ону таһынан, онтон мунчаарбыт смайлик ойуутун уонна QR-коду ылыахтара. Ол оннугар туһанааччыга алҕас текскэ кодун уонна алдьаныы төрүөтэ буолбут система драйверын туһунан информация көстөр буолуо диэн RT иһитиннэрэр.
Эһиил муус устар 1 күнүттэн социальнай биэнсийэлэри уонна судаарыстыбаттан бэриллэр биэнсийэлэри 6,8% үрдэтиэхтэрэ. Бу туһунан…
СӨ Дьокуускай куоратын борокуратуурата бэрэбиэркэ ыытан, 68 саастаах куорат олохтооҕо төлөпүөн нөҥүө үлэлиир түөкүннэр албыннарыгар…
«Почта России» Саҥа дьыллааҕы бырааһынньыктар иннилэринэ биэнсийэни уонна социальнай төлөбүрдэри тиэрдии бэрээдэгин туһунан иһитиннэрэр. Ахсынньы…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдиир үлэ тохтоло суох барар. Бүгүҥҥү…
«Жатай» куорат уокуругун 1 №-дээх орто уопсай үөрэхтээһин оскуолатыгар Аҕа дойду Дьоруойдарын күнүн көрсө, Арассыыйа…
Сыл аайы ыытыллар «Профориентация-2026» эрэгийиэннээҕи икки ардыларынааҕы дьаарбаҥка уонна үөрэх, үлэ миэстэтин уонна идэ кыахтарын…