“Көмүс күһүн” 26-с Арассыыйатааҕы агро-бырамыысыланнас быыстапкатыгар племенной уонна табаарынай сүөһү иитиитин сайыннарыыга үрдүк көрдөрүүлэрин иһин “Саха сүөһүтэ” генопуонда тэрилтэтэ, “Болугур” ТХПК (Амма), “Үчүгэйдээҕи” АУо (Өймөкөөн) уонна Дьокуускайтан бааһынай хаһаайыстыба баһылыга Прокопьев Мичил Михайлович кыһыл көмүс мэтээлинэн наҕараадаланнылар. Ону тэҥэ “Сахаагроплем” тэрилтэ – үрүҥ көмүс мэтээлинэн.
Саха сирин аграрийдарын бородууксуйата сүрүн саалаҕа туспа истиэндэнэн туруорулунна.
Павильоҥҥа ыалдьыттар “Амматааҕы” АУо “Амгинский” сыырын уонна ынах арыытын, “Дьокуускайдааҕы килиэп кэмбинээтин” “Сказки Туймаады” кэмпиэтин уонна “В шоколаде” мармеладын, В.Лиханова урбаанньыт хонуу луугун, пастилатын атыылаһыахтарын сөп.
“Саха сүөһүтэ” тэрилтэ саха ынаҕыттан 74-78 % арыыны, “Мэҥэдьэк” кымыһы көрдөрөр. “Азбука севера” хампаанньаҕа балык эгэлгэтэ тэлгэммит.
Дьаарбаҥкаҕа аан бастаан Хатастааҕы агрооскуола отонтон уонна эриэхэлэртэн “Чэбдик”, “Таежнай” уонна “Противовируснай” итии утахтарын, концентрированнай собо миинин эҥин аҕалбыт.
Дьаарбаҥкаттан 8 көрүҥ кучу чэйи уонна “Сахачай”, “Сахамед” (Заморщикова Н.Ю) уонна “Мед Атамайский” (Осипов И.И.) атыылаһыахха сөп. “Саха сирин биллэр бородууксуйалара “Көмүс күһүн – 2024” быыстапка кэлэктиибинэй истиэндэтигэр туруорулунна. Үгэс курдук биһиги бороууксуйаларбытын Москва куорат олохтоохторо, ыалдьыттара хото атыылаһаллар”, — диэтэ Саха сирин тыатын хаһаайыстыбатын уонна аска-үөлгэ бэлиитикэтин миниистирэ Артем Александров.
Санаттахха, бу быыстапкаҕа өрөспүүбүлүкэ агро-бырамыысыланнас комплексын 100-кэ бэрэстэбиитэлэ кыттар, агро-хайысхалаах оскуолалары киллэрэн туран.
АПК Нэдиэлэтин сүрүн түгэнэ алтынньы 9-12 күннэригэр Москва куоракка Тимирязевскай академия базатыгар ыытыллар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: СӨ Тыатын хаһаайыстыбатын уонна аска-үөлгэ бэлиитикэтин министиэристибэтин пресс-сулууспатын түһэриитэ
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…