“Көмүс күрүөнү” Олоҥхо Ыһыаҕар бэлэмнииллэр

“Көмүс күрүөнү” Олоҥхо Ыһыаҕар бэлэмнииллэр

Ааптар:
08.09.2022, 16:24
Бөлөххө киир:

Бу күннэргэ Тымныы полюһугар Өймөкөөн улууһун Томторугар Олоҥхо Ыһыаҕар бэлэмнэнии чэрчитинэн өрөспүүбүлүкэтээҕи тэрээһин ыытыллыахтаах «Көмүс күрүө» сирин-уотун суолталаах тэрээһиҥҥэ бэлэмнээһин уонна хомуйуу субуотунньуктара ыытыллар.

Олоҥхо Ыһыаҕын ыытыыга улуус баһылыгын бэрэстэбиитэлэ Никифор Протопопов иһитиннэрбитинэн, субуотунньукка 40-тан тахса киһи кыттыыны ылла. Дьон тэрилтэлэринэн араарыллыбыт үлэни толоро-толоро, бэйэ-бэйэлэрин солбуйсан истилэр.

Тэрилтэлэртэн үгүс киһи кэлэн кыттыыны ылла. «Сахаэнерго», «Теплоэнергосервис” тэрилтэлэр Томтордооҕу филиалларын уонна Оҕо спортивнай оскуолатын үлэһиттэрин, бу тэрилтэлэргэ эр дьон үлэлииллэрин быһыытынан, атын күүстээх үлэҕэ кытыннараары, тохтоттум. Уолаттары сир кырсын тиэриигэ ыҥырыам.

Кэрэхсэбиллээҕэ баар, бу субуотунньукка 81 саастаах ытык кырдьаҕас Ким Неустроев эмиэ кыттыыны ылла, — диэн бэлиэтээтэ Никифор Никифорович.

Баһылык бэрэстэбиитэлэ салгыы бу күннэргэ Олоҥхо Ыһыаҕын биир суолталаах эбийиэгин — ипподрому тутуу саҕаламмытын туһунан иһитиннэрдэ.

Онон Олоҥхо Ыһыаҕар бэлэмнэнии “Көмүс күрүөҕэ” тэтимнээхтик барар.

Елена ПОТОЦКАЯ, «Саха сирэ» хаһыат.

Лента
Салгыы
7 декабря
  • -38°C
  • Ощущается: -45°Влажность: 67% Скорость ветра: 3 м/с