Хаартыска: ЯСИА
Дьокуускай куораттааҕы суут 2005 сыллаах төрүөх халааһыҥҥа уорбаланар үс уолу сууттаата.
Уолаттар 2025 сыл ыам ыйыгар 4,5 мм калибрдаах пневматическай гаас боллуоннаах бэстилиэти туһанан массыынаҕа олорор киһиэхэ саба түспүттэр уонна иһин-төбөтүн эчэппиттэр. Күүһүнэн өттөйүүлэриттэн быыһанаары эр киһи баайбын-дуолбун ылыҥ диэн этии киллэрбит. Онуоха уолаттар 70 тыһыынча солк. көрдөөбүттэр.
Эмсэҕэлээччи билэр дьонуттан 50 000 солк. иэс ылбыт. Харчыны түргэнник көрдөөн бул диэн уолаттартан биирдэстэрэ эр киһини төбөҕө биитэнэн охсубут. Иккис уол өттөйүүтүнэн эмсэҕэлээччи бааҥҥа онлайн-кирэдьиити оҥотторбут. Эр киһи харчытын барытын биэрбитин кэннэ үһүс уол видеорегистратор память-каартатын көрдөөбүт.
Суукка уолаттар бу киһини кыргыттарга куһаҕан сыһыаныттан үөрэтээри саба түспүттэрин эппиттэр.
Суут бастакы буруйдаахха 4 сылга болдьохтооҕун 3 сыл 6 ыйга усулуобунайдык уураахтаабыт. Иккискэ –3 сылга кэтээн көрөр болдьохтоох 3 сыл 9 ыйга көҥүлүн быһарга быһаарбыт. Үһүскэ –3 сыл 6 ый көҥүлүн быһыыны 3 сыл кэтээн көрөр болдьоххо уурбут.
Суут уолаттар эдэрдэрин, буруйдарын толору билиммиттэрин, үчүгэй характеристикаларын уонна таһаарбыт хоромньуларын баҕа өттүнэн төлөөбүттэрин иһин буруйдааһыны сымнаппыт. Үһүс уол буруйун бэйэтэ билинэ кэлбит, буруйу оҥорууну арыйыыга уонна силиэстийэҕэ көмөлөспүт, ону тэҥэ балта инбэлиитин, махтал суруктарын учуотаабыттар. Иккис уолга – инбэлиит аҕалааҕа болҕомтоҕо ылыллыбыт. Суут уурааҕа күүһүгэр киирэ илик.
СӨ Холбоһуктаах суутун пресс-сулууспата
Дьокуускайга СӨ Үлэҕэ уонна социальнай сайдыыга министиэристибэтин Өрөспүүбүлүкэтээҕи сэминээр-сүбэ мунньаҕа саҕаланна. Тэрээһиҥҥэ социальнай үлэһиттэр кыттыыны…
2026 сыл кулун тутар 1 күнүттэн Арассыыйа олохтоохторо суоппар быраабыгар тэйиччиттэн олорон үөрэнэр кыахтаннылар. Автооскуолаларга …
Хатас сэлиэнньэтигэр мас-рестлиҥҥэ «Көмүс мас» Дьокуускай куорат аһаҕас чөмпүйэнээтэ түмүктэннэ. Онно 23 хамаандаттан 160-тан тахса…
Саха сиригэр бүгүҥҥү күҥҥэ үөрэх тэрилтэлэригэр байыаннай дьайыы 70-тан тахса кыттыылааҕа, ол иһигэр педагогтар уонна…
Тохсунньу 27 күнүгэр Ленинграды блокадаттан толору босхолооһун күнэ бэлиэтэнэр. Ленинград блокадатын сиэртибэлэрин кэриэстээн, бу күн…
Байыаннай дьайыыга кыттыбыт тулаайахтар уонна төрөппүт көрүүтэ-истиитэ суох хаалбыттар олорор дьиэнэн хааччыллар бырааптаахтар. “Байыаннай дьайыыга…