Көнөрө буоллар

Аҕыйах хонуктан ыла Дьокуускай уулуссаларынан оптуобустар сырыылара уларыйан, айанньыттар бары саҥа маршруппутугар үөрэнэбит. Сыыһа-халты олорсуу, мунуу-тэнии да ханна барыай.

Кэтээн көрдөххө, куорат олохтоохторо уонна ыалдьыттара 4-с уонна 14-с оптуобустар урукку суолларыттан уларыйбыттарыттан хомойоллор. “Саамай айанныыр оптуобустарбыт этилэр”, — дэһэллэр.

Сыыйа үөрэниэхпит турдаҕа. Ол эрээри билиҥҥитэ, холобура, 4-с оптуобус Киров уулуссатын диэки салайарыгар Ленин болуоссатыгар дьон түспүтүн кэннэ: “Кэлэр тохтобул Центральнай”, — диир син-биир уруккутун курдук. Онон, хата, оптуобустарга  ханнык тохтобул буоларын биллэриилэрэ көнөрө буоллар, бэрт буолуо этэ.

Хаартыска: Дьокуускай куорат дьаһалтатын сайтыттан