Кэнкэмэ үрэх аттыгар сүппүт дьахтары көрдөөһүн салҕанар

Кэнкэмэ үрэх аттыгар Танхай сириттэн сүппүт Маҕан бөһүөлэк олохтооҕун, 50 саастаах сүппүт дьахтары көрдөөһүн салҕанар.

Бэҕэһээ, атырдьах ыйын 2 күнүгэр, Саха сиринээҕи Быыһыыр сулууспа быһааччылара сыһыыларынан, алаастарынан, күөлтэн Кэнкэмэ үрэххэ диэри пилота суох көтөр аппаараатын көмөтүнэн көрдүүр үлэлэри ыыттылар. Ону сэргэ дьахтар сүппүт сиригэр диэри сатыы сылдьан  үс хайысханан 80 км усталаах суолунан сырыттылар.

Көрдүүр үлэлэри күүһүрдүүгэ Маҕан бөһүөлэктэн сэттэ киһи уонна үс тиэхиньикэ көмөҕө тиийбит. Билиҥҥитэ көрдүүр үлэлэр үчүгэй түмүгэ суохтар. Былаанынан сатыы сылдьан ойуур иһин кэрийиэхтэрэ. Бу туһунан Саха сиринээҕи Быыһыыр сулууспа пресс-сулууспата суруйар.

Санаттахха, 1974 сыллаах төрүөх дьахтар от ыйын 29 күнүн түүнүгэр Танхай сириттэн  сүппүтэ. Кини оттуу сылдьыбат биллэр. Сарсыарда бииргэ оттур дьонноро уһуктан туран баран дьахтары хантан да  булбатахтар. Бэйэлэрин күүстэринэн дьахтары көрдөөһүн үлэтэ түмүгү аҕалбатах. Атырдьах ыйын 1 күнүгэр Саха сирин Быыһыыр сулууспатын 8 быыһааччыта көрдөөһүҥҥэ тахсыбыттара.