Кэнники хонукка 107 киһи коронавирустан үтүөрбүт

Өрөспүүбүлүкэҕэ кэнники хонукка 97 киһи коронавирустаабыт, 107 киһи үтүөрбүт.

Ыалдьыбыт дьонтон сэттэ киһи балыыһаҕа киирбит. Бу туһунан коронавируһу бохсууга үлэлэһэр өрөспүүбүлүктээҕи суһал ыстаап иһитиннэрэр.

Дьокуускайга 36 киһи ыалдьыбыта быһаарыллыбыт. Улуустарга балаһыанньа хайдах эбитий?  Алдаҥҥа – 8, Мэҥэ Хаҥаласка – 7, Сунтаар уонна Уус Алдан улуустарыгар — биэстии киһи ыалдьыбыт. Билиҥҥи туругунан ыалдьыбыт дьонтон балыыһаларга 12,4% киһи эмтэнэр.

СИА