Кэнники хонукка 86 киһи коронавирустаабыт

Саха сиригэр кэнники хонукка коронавируһунан ыалдьыы хайдаҕый?

Коронавируһу бохсууга үлэлэһэр суһал ыстаап бүгүҥҥү иһитиннэриитинэн, өрөспүүблүкэ үрдүнэн 86 киһи ыалдьыбыт. Ол иһигэр, саамай элбэх киһи Дьокуускай куоракка — 27.

Оттон улуустарга балаһыанньалара хайдаҕый?  Өлүөхүмэҕэ – 8; Хаҥаласка – 7; Алдан, Ньурба оройуонныгар  – түөртүү; Абыйга, Үөһээ Бүлүүгэ, Мииринэйгэ, Сунтаарга — үстүү; Аллайыахаҕа, Үөһээ Халымаҕа, Бүлүүгэ, Кэбээйигэ, Мэҥэ Хаҥаласка, Нерюнгригэ, Уус Алдаҥҥа, Уус Маайаҕа, Усуйаанаҕа — иккилии; Амма, Горнай, Ленскэй, Нам, Таатта, Томпо улуустарыгар биирдии киһи ыалдьыбыта быһаарыллыбыт.

Өрөспүүбүлүкэ лабораторияларыгар кэнники хонукка 1558 анааыс, пандемия саҕаланыаҕыттан 2 612 841 тест бэрэбиэркэлэммит.