Кэнники хонукка 86 киһи коронавирустаата

Коронавируһу бохсууга үлэлэһэр суһал ыстаап иһитиннэрбитинэн, Дьокуускайга кэнники хонукка 27 киһи ыалдьыбыта быһаарыллыбыт.

Улуустарга балаһыанньа хайдаҕый? Мииринэйгэ — 7, Үөһээ Бүлүүгэ – 5, Аммаҕа, Бүлүүгэ, Кэбээйигэ, Ленскэйгэ, Мэҥэ Хаҥаласка түөртүү киһи ыалдьыбыт. Уон улууска бииртэн үстүү киһиэхэ тиийэ ыалдьыбыттара быһаарыллыбыт. Балыыһаҕа биир киһи киирбит. Балыыһаҕа — 15,3% киһи, тастан – 84,7% киһи эмтэнэр. Коронавирустан үтүөрбүт дьон ахсаана кэнники хонукка 105 буолбут.

Коронавируһу утары быһыы бастакы компоненын 685 173 киһи ылбыт. 186 555 киһи ревакцинацияламмыт. Өрөспүүбүлүкэ лабораторияларыгар кэнники биир хонукка 676 анаалыс, пандемия саҕаланыаҕыттан 2 607 638 тест бэрэбиэркэлэммит.