Салгыы
Кэнники хонукка үс ойуур баһаарын умулларбыттар

Кэнники хонукка үс ойуур баһаарын умулларбыттар

Ааптар:
22.07.2022, 10:57
Бөлөххө киир:
Саха сиригэр ойуур баһаардарын утары охсуһааччылары уонна салгын аалынан кэтээн көрүүнү элбэтэллэр.
Саха сиригэр 54 ойуур баһаара бэлиэтэнэр. Нэһилиэнньэлээх пууннарга уонна экэниэмикэ эбийиэктэригэр куттал суоһаабат. Бу туһунан СӨ Экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы — сүрүн лесничэй Андрей Коноплев иһитиннэрэр.
Ааспыт хонукка үс ойуур баһаарын Эдьигээн уонна Нерюнгри оройуоннарыгар умулларбыттар.
Баһаары утары охсуһааччылар, уоту умуруорууга туттуллар тэриллэр, салгын аалынан ботурууллааһын эбиллибит.
Билиҥҥи туругунан 538 киһи, 23 тиэхиньикэ үлэлиир. Былыттартан көрөн Ан-26 «Циклон» зондировщик-сөмөлүөт уонна ЯК-42 Д «Росгидромет» үлэлииллэрэ былааннанар.
Эрэгийиэн таһымнаах ыксаллаах быһыы-майгы эрэсиимэ салҕанар. Муниципальнай таһымнаах ыксаллаах быһыы-майгы эрэсиимэ Мииринэй уонна Уус Маайа оройуоннарыгар салҕанар.
Саха сиригэр уонна Хабаровскай кыраайга эрдэ федеральнай таһымнаах ыксаллаах быһыы-майгы эрэсиимэ киллэриллибитэ.Бу ойуур баһаарын утары охсуһууга суһаллык наадалаах сириэстибэлэри уонна эбии күүһү ыларга көмөлөөх.
От ыйын 22 күнүнээҕи туругунан Алдан оройуонун илин өттүгэр, Өймөкөөн, Ньурба оройуоннарыгар төрдүс кылаастаах баһаардар, Томпо оройуонугар кутталлаах бэһис кылаастаах баһаар бааллара ыйыллар.
Лента
Салгыы
31 января
  • -46°C
  • Ощущается: -46°Влажность: 65% Скорость ветра: 0 м/с

Сообщить об опечатке

Текст, который будет отправлен нашим редакторам: