Хаартыска: sakha.gov.ru ылылынна
2018 сылтан Саха сиригэр успуордунан дьарыктанарга, улахан күрэхтэһиилэри ыытарга анаан 50 эбийиэк тутуллубут. Бу туһунан СӨ Ил Дархана Айсен Николаев иһитиннэрэр.
—-Бу 2018 сылтан саҕалаан. Манна адаптивнай успуордунан дьарыктанар сир, сөтүөлүүр бассейн эмиэ киирэллэр. Бу дьону-сэргэни физкултууранан, успуордунан дьарыктаналларыгар угуйар, көҕүлүүр улахан күүһүнэн, тирэҕинэн буолар, — диир Ил Дархан.
Сорох эбийиэктэр РФ Бэрэсидьиэнэ В.Путин көҕүлээһининэн 2019 сылтан саҕаламмыт «Успуорт — олох нуормата» федеральнай бырайыагынан киллэриллибиттэр.
Бөдөҥ, улахан эбийиэктэр ортолоругар — Ньурба улууһугар Антоновкаҕа успуорт саалатын, Жатайга сөтүөлүүр бассейны, Мэҥэ Хаҥаласка Бэстээххэ сөтүөлүүр саалалаах, дэгиттэр дьарыктанарга анаммыт успуорт комплексын, Горнай улууһугар Бэрдьигэстээххэ элбэх хайысхалаах успуорт саалатын, Уус Алдаҥҥа Мындаабаҕа дэгиттэр дьарыктанар комплексы, Уус Алдан улууһугар Бороҕоҥҥо элбэх хайысхалаах чэбдигирдэр-спортивнай комплексы киэн тутта ааттыыбыт.
Сотору кэминэн Дьокуускайга «Звезднай» түөлбэҕэ сабыылаах каток, Бүлүүгэ Кыһыл Сыырга успуорт саалата үлэҕэ киириэхтээхтэр.
Өрөспүүбүлүкэ отуттан тахса муниципальнай оройуона ГТО дьоҕус спортивнай былаһааккаларынан хааччылыннылар. «Дохсун» СК спортивнай бэлэмнээһини тэрийэргэ анаан футболлуур сир кэмпилиэгэ, Дьокуускайга олимпийскай эрэллэри бэлэмниир училищеҕа аһаҕас типтээх физкультурнай-чэбдигирдэр комплекс кэмпилиэгэ баар буоллулар.
СӨ Ил Дарханын уонна Бырабыыталыстыбатын пресс-сулууспата
Быйылгы 2025 сыллаах Оһуокайбыт Аар Дархан этээччибит, сүүс сааһыгар үктэнэрэ аҕыйах сыл эрэ хаалбыт ытык…
Санаторийга сынньана ОМС полиһынан босхо барыахха сөп. Ол туһуттан терапевтан направление ылар наада диэн объясняем.рф…
Билиҥҥи кэмҥэ үгүс дьон Баҕа санаа хаартатын оҥорорунан үлүһүйдэ. Баҕа санааҕын барытын толорор үһү диэн…
Бүгүн, тохсунньу 5 күнүгэр, СӨ Быыһыыр сулууспата Орто Халымаҕа массыынанан айаннаан иһэр оҕолоох дьон сүппүттэрин…
Дьокуускайтан Эдьигээҥҥэ АН-26 сөмөлүөт хочуолунай үлэтин сөргүтэргэ саппаас чаастары илдьэ көтүөҕэ. Бу туһунан СӨ бырабыыталыстыбатын…
Саҥа дьыл тыына салгынныын ураты. Дьон үксэ туох эрэ үчүгэйи күүтэр. Арай түөрт уон сааһын…