Кэнсиэртэн киирбит үп байыастар анал счеттарыгар киирдэ

Сэтинньи сэттистиир күүрээннээх күнүгэр Кэбээйи улууһун Куокуй нэһилиэгэр Норуот сомоҕолоһуутун,  Улуу Өктөөп күннэринэн уус-уран самодеятельность кэнсиэрэ буолла.

Кэнсиэргэ «Луҥха долгуннара», «Казахскай», «Нарыйа», «Сахам сирэ», «Ача» уһуйаан «Күн мичээрэ»,  оскуола учууталларын, үөрэнээччилэрин «Хотугу үҥкүүлэрэ” дьон хараҕын сылаанньытта.

Геннадий Иванов, Никифор Спиридонов, Тамара Семенова, Уйгулана Эверстова, Зоя Гуляева, Сардана Полятинская, «Дьиэрэй» оскуола уолаттарын нарын-намчы ырыалара мустубут дьон дууһаларын кистэлэҥ кылын таарыйда, сүрэхтэрин долгутта. Кэнсиэр кэмигэр сыаналаах бириистэр оонньоннулар.

Кэнсиэртэн киирбит үп байыаннай дьайыыга сылдьар байыастар анал счеттарыгар киирдэ.

Полина Жергина