Хаартыска: Үөһээ Бүлүү улууһу дьаһалтатын пресс-сулууспата
Бу күннэргэ Үөһээ Бүлүү улууһун Кэнтик нэһилиэгэр «Тыа сирэ кэлимник сайыннарыы» судаарыстыбаннай бырагыраама чэрчитинэн саҥа фельдшерскай-акушерскай пуун дьиэтин тутуута саҕаланна.
Эбийиэк уопсайа 110 кв.м иэннээх. ФАП саҥа дьиэтэ быйыл күһүн үлэҕэ киирэрэ былааннанар. Ону таһынан бырагыраама чэрчитинэн нэһилиэккэ хас дьиэ ахсын сайыҥҥы уу ситимэ холбоноругар тутуу үлэтэ саҕаланна. Билиҥҥи туругунан уу ситимин турбатын тардааһына нэһилиэккэ чугаһаата.
Бэлиэтээн этэр буоллахха, нэһилиэк дьаһалтата «Тыа сирэ кэлимник сайыннарыы» судаарыстыбынай бырагыраамаҕа ситиһиилээхтик кыттан, уулуссаларынан сырдатар уот баҕаналара туруоруллубуттара уонна үлэтэ былырыын түмүктэммитэ. Билигин бырагыраама көмөтүнэн Элбэх хайысхалаах култуура уонна успуорт киинин хапытаалынай өрөмүөнэ ыытыллар, ону сэргэ успуорт былаһааккатын тутуутун үлэтэ түмүктэнэрэ күүтүллэр.
«Үөһээ Бүлүү улууһун дьаһалтата судаарыстыбыннай бырагыраамаларга, национальнай бырайыактарга ситиһиилээхтик кыттарыгар дьулуһабыт. Тыа сиригэр олорор олохтоох нэһилиэнньэ олоҕун тупсарарга үлэ киэҥник тэриллэрин ситиһэбит», – диэн улуус баһылыга Валерий Николаей ТГ-ханаалыгар иһитиннэрэр.
Саха сирэ Уһук Илин уокуругар демографическай уонна дьиэ кэргэн бэлиитикэтигэр биир бастыҥынан ааттанна. Бу туһунан…
Нам улууһун Модутугар халаан уута эмискэ кэлэн улахан хоромньуну таһаарда. Ол курдук, 70 дьиэ, 1…
Горнай улууһугар ыам ыйын 13 күнүттэн өрөспүүбүлүкэ мобильнай хирурдарын биригээдэлэрэ үлэлии сылдьар. Хирурдар биригээдэлэрэ ыам…
Нам Хатырыгар тэриллибит быстах олорор пууҥҥа олохтоох Аксинья Ноговицына баар. Кини пуун үлэтин туһунан санаатын…
Намҥа Ньургун Тимофеев аатынан култуура-спорт комплексыгар халаан уутун кэмигэр сыл аайы быстах олорор пуун тэриллэр.…
Ыам ыйын ортото Кубаҕа MICE CUBA диэн төрдүс төгүлүн ыытыллар оҕо киинэтин норуоттар икки ардыларынааҕы…