sakha.gov.ru
Бэҕэһээ, муус устар 15 күнүгэр, Дьокуускайга көҥүл тустууга 21 саастарыгар диэри уолаттарга Арассыыйаҕа бастыыр иһин күрэхтэһии саҕаланна. Күрэхтэһиигэ Арассыыйа 43 эрэгийиэниттэн 300 тустуук кыттар.
«Дойдубутугар көҥүл тустуу сайдан иһэрин Көҥүл тустууга Арассыыйаҕа бастыыр иһин күрэхтэһии ыытыллара бэлиэтиир. Үгүс олимпийскай чемпионнар уонна аан дойду чемпионнара 2006 сыллаахха ыытыллыбыт Арассыыйаҕа бастыыр иһин күрэхтэһиигэ кыттыбыттара, ол иһигэр Виктор Лебедев бастакы улахан кыайыытын ситиспитэ», — диэн Ил Дархан Айсен Николаев иһитиннэрдэ.
Айсен Николаев физическэй култуура уонна спорт сайдыытыгар үтүөлэрин, ыччаты иитиигэ, спорка үрдүк ситиһиилэрин, өр сыллаах үлэлэрин иһин махтал суруктары Иван Сивцевкэ, Василий Уваровка туттарда.
Арассыыйа спортивнай тустууга федерациятын бэрэсидьиэнэ Михаил Мамиашвили: «Али Алиев, Роман Дмитриев курдук улуу дьон итиэннэ бүгүҥҥү олимпийскай чемпионнар Абдулрашид Садулаев, Заурбек Сидаков үгэстэрин салгыыр спортсменнар бүгүҥҥү күрэхтэһиигэ кытта сылдьаллар», — диэн туран, өрөспүүбүлүкэ салалтатыгар махтанна.
Күрэхтэһии бастакы күнүн түмүгүнэн, кыайыылаахтарынан уонна призердарынан 24 спортсмен алта ыйааһыҥҥа: 57 кг, 65 кг, 74, кг, 86 кг, 97 кг, 125 кг буоллулар.
Ил Дархан Айсен Николаев 57 киилэҕэ диэри ыйааһыҥҥа кыайыылаахтарга бастакы мэтээллэри туттартаата. Саха сирин тустууга Лев Павлов эрэллээхтик бастаата. Үрүҥ көмүс мэтээлинэн Халид Магомедов (Дагестан), боруонсанан Джабраил Тулаев (Чечня) уонна Хабиб Мехтиханов (Дагестан) наҕараадаланнылар.
Бу күрэхтэһии Ил Дархан Айсен Николаев уонна Арассыыйа спортивнай тустууга федерациятын бэрэсидьиэнэ Михаил Мамиашвили быһаарыыларынан Дьокуускайга ыытыллар. Дьокуускай куоракка бүтэһиктээҕин Арассыыйаҕа бастыыр иһин күрэхтэһии 17 сыл анараа өттүгэр ыытыллыбыта. Ол курдук, 2006 сыллаахха күрэхтэһии «Кыайыы 50 сыла» спорт дыбарыаһыгар буолбута.
Бильярды таптааччылар ахсааннара элбээн иһэрэ бэлиэтэнэр. Күрэхтэһиигэ оҕотуттан ытык кырдьаҕаһыгар тиийэ, оннооҕор Москваттан кытары кэлэн…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Абитуриеннарга, кинилэр төрөппүттэригэр анаан быйыл орто анал үөрэххэ туттарсыыга уонна тус сыаллаах үөрэххэ аналлаах “Учись…
Саха сиригэр сайыҥҥы сиэссийэ иитинэн бастакы демонстрационнай эксээмэннэр түмүктэрин иһитиннэрбиттэр. Түөрт устудьуон эксээмэнин 100 баалга…
Бүгүн, бэс ыйын 23 күнүгэр, күнүс Покровскайдыыр аартыкка икки массыына харсыста. Бу туһунан Госавтоинспекция иһитиннэрэр.…
Быйыл Дьокуускай куорат сөтүөлүүр сирэ (пляһа) оҥоһуллан, тупсан турар. Кэлэр сылга 202-с түөлбэҕэ баар сөтүөлүүр…