Хаартыскаҕа Петр Павлов түһэриитэ, dzulurgan.ru
Дьокуускайга от ыйын 1-7 күннэригэр аан дойду үс төгүллээх чөмпүйүөнэ, ССРС успуордун үтүөлээх маастара, олимпийскай чөмпүйүөн Павел Павлович Пинигин чиэһигэр көҥүл тустууга 500 спортсмен кыттыыны ылар.
Күрэхтэһии иитинэн 16-гар диэри саастаах тустууктарга Бүтүн Арассыыйатааҕы аһаҕас турнир уонна 18-гар диэри саастаах спортсменнарга норуоттар икки ардыларынааҕы турнир ыытыллар. Күүстээхтэн күүстээх, бастыҥ бөҕөс аатын ылар иһин Белоруссияттан, Казахстантан, Монголияттан, Кыргызстантан, Таджикистантан, РФ сүүмэрдэммит хамаандата, Амур, Иркутскай, Кемерово уобаластарыттан, Бурятияттан, Еврейскэй АУо, Забайкалье, Приморье кыраайдарыттан, Ингушетияттан, Тываттан күрэхтэһэллэр. Көбүөргэ барыта 500-тэн тахса спортсмен күөн крөсөр.
Турнир бочуоттаах ыалдьыттарынан — көҥүл тустууга аан дойду чөмпүйэнээтин икки төгүллээх үрүҥ көмүс призера, Азия оонньууларын чөмпүйүөнэ Буйанделгер Бол (Монголия), РФ физкултуура уонна успуорт үтүөлээх үлэһитэ, көҥүл тустууга норуоттар икки ардыларынааҕы кылаастаах успуорт маастара, успуорт национальнай көрүҥнэригэр РСФСР успуордун маастара, Арассыыйа чөмпүйүөнэ, ССРС Сэбилэниилээх күүстэрин чөмпүйүөнэ Радислав Николаевич Наважап (Республика Тыва) буолаллар.
«Турнирга кэлбит бары ылдьыттары, спортсменнары, тириэньэрдэри, бэрэстэбиитэллэри үөрэ көрсөбүн, эҕэрдэлиибин. Саха сирин бастыҥ бөҕөстөрө бэйэлэрин спортивнай суолларын бу турниртан саҕалаабыттара уонна аан дойду түһүлгэтигэр үрдүк чыпчааллары дабайары ситиспиттэрэ. Убайдаргыт ситиһиилэрин эһиги эмиэ хатылыаххыт уонна норуоккутун, дойдугутун кыайыыларгытынан үөрдүөххүт диэн эрэнэбин», — диэтэ Павел Пинигин эҕэрдэ тылыгар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыскаларга Петр Павлов түһэриитэ, dzulurgan.ru
Үөһээ Бүлүү улууһун Өргүөтүгэр 6-с №-дээх муниципальнай баһаарынай-быыһыыр сулууспа үлэһиттэригэр анаан үөрэтэр баһаарынай-тактическай дьарык ыытылынна.…
РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ – РФ Бырабыыталыстыбатын бэрэссэдээтэлин солбуйааччы Юрий Трутнев Судаарыстыбаннай Дуума…
Таатта улууһун Уолбатыгар быйыл уонтан тахса кыталык кэлэн түспүтүн туһунан суруйан турабыт. Бу сырыыга кыталыктар…
Бу күннэргэ Ис дьыала министиэристибэтин Дьокуускайдааҕы 1 нүөмэрдээх полициятын отделыгар харчытын уордарбыт куорат олохтооҕуттан сайабылыанньа…
Нерюнгри оройуонугар ыам ыйын 14-18 күннэригэр художественнай гимнастикаҕа оскуола оҕолорун Арассыыйатааҕы XII сайыҥҥы спартакиадаларын иккис түһүмэҕэ…
Ол эрээри оппозиция евроинтеграция диэн көөчүктээн майдаан суолун тутуһар диэн этэр политолог Чокуур Гаврильев.