Көҥүл тустууга Арассыыйаҕа бастыыр иһин күрэхтэһии саҕаланна

Балаҕан ыйын 14-18 күннэригэр Нарофоминскай куоракка 24-гэр диэри саастаах уолаттарга Арассыыйаҕа бастыыр иһин күрэхтэһиилэрэ саҕаламмыта. Манна Саха сирин инники күөҥҥэ сылдьар тустууктара Лев Павлов, Владимир Бояновскай, Станислав Свинобоев уонна Никита Хабаров уо.д.а. кыттыахтара.

Спортсменнар сүүмэрдэммит хамаанда старшай тириэньэрэ Егор Пономарев салалтатынан кыттыахтара:

57 киилэҕэ — Лев Павлов, Любомир Ашеин, Айаал Белолюбскай, Харысхал Григорьев, Уйгулаан Иванов, Дархан Игнатьев, Егор Явловский;

61 киилэҕэ — Александр Авелов, Валентин Бурнашев, Манчаары Ильинов, Андрей Мидловец, Виктор Яковлев, Рафаэль Алексеев, Артур Семенов, Егор Вензель;

65 киилэҕэ — Игорь Матвеев, Петр Парников, Иван Потапов;

70 киилэҕэ — Албан Аввакумов, Владимир Бояновскай;

74 киилэҕэ — Станислав Свинобоев, Эдгар Кудаисов;

79 киилэҕэ — Василий Кириллин, Андриан Ленскэй;

92 киилэҕэ — Никита Софронов;

125 киилэҕэ — Никита Хабаров, Даниил Иванов.

Нарофоминскай түһүлгэтин түмүгүнэн Арассыыйаҕа сүүмэрдэнэн, Албанияҕа буолуохтаах аан дойду түһүлгэтигэр кыттыыны ылыахха сөп буолуоҕа.