Көҥүл тустууга финалга кимнээх киирдилэр?

Бэҕэһээҥҥиттэн Саха сиригэр Николай Тарскай кэриэһигэр көҥүл тустууга күрэхтэһии буола турар. Финалга тустар пааралар билиннилэр. Онон бүгүн ким кыайара барыта дьэҥкэтик биллиэҕэ. 

Күрэхтэһиигэ 21 муниципальнай тэриллииттэн 186 бөҕөс туһунна. Киирсиилэр тохсунньу 5 күнүттэн сарсыарда 10 чаастан саҕаламмыттара. Инники күөҥҥэ Чурапчыттан төрүттээх бөҕөстөр иһэллэр. Чурапчы тустууктара алта ыйааһыҥҥа көмүс мэтээли былдьаһыахтара. Ону тэҥэ, Сунтаар, Үөһээ Бүлүү уонна Мэҥэ Хаҥалас улуустарыттан биирдии бөҕөс финалга тиийдилэр диэн СИА суруналыыһа Дьулустан Сергеев иһитиннэрэр.

Пааранан финалга киирбиттэр

57 кг: Уйгулаан Иванов (Мэҥэ Хаҥалас) — Любомир Ашеин (Чурапчы),

61 кг: Артём Слепцов (Чурапчы) — Петр Константинов (Дьокуускай),

65 кг: Игорь Матвеев (Нам) — Дьулусхан Тотонов (Сунтаар),

70 кг: Петр Павлов (Уус Алдан) — Олег Фомин (Чурапчы),

74 кг: Константин Капрынов (Чурапчы) — Айсен Потапов (Дьааҥы),

79 кг: Тимур Николаев (Үөһээ Бүлүү) — Роман Николаев (Бүлүү),

86 кг: Виталий Ефремов (Чурапчы) — Константин Власов (Мэҥэ Хаҥалас),

92 кг: Максим Толмачев (Дьокуускай) — Денис Максимов (Сунтаар),

97 кг: Никита Софронов (Чурапчы) — Евгений Аронов (Мииринэй),

125 кг: Никита Хабаров (Дьокуускай) — Харысхан Баппаҕай (Үөһээ Бүлүү).