Көҥүл тустууга Саха сирин сүүмэрдэммит хамаандата Арассыыйа Куубагар бэлэмнэнэр

Саха сирин хамаандатын өрөспүүбүлүкэ күүстээх тустууктара Арассыыйа Куубагар кыттыахтара. Бу туһунан «Триумф» пресс-сулууспата иһитиннэрэр.

Саха сирин хамаандатын састаабыгар 10 күрэсчит киирдэ. Ол иһигэр, 57 киилэҕэ Лев Павлов, 61 киилэҕэ Александр Авелов, 65 киилэҕэ Владислав Кривошапкин, 70 киилэҕэ Айсен Потапов, 74 киилэҕэ Константин Капрынов, 79 киилэҕэ Олег Фомин, 86 киилэҕэ Андриан Ленскай, 92 киилэҕэ Ньургун Сергин, 97 киилэҕэ Евгений Аронов уонна 125 киилэҕэ Никита Хабаров киирдилэр.  Кыайыы иһин Саха сирин, Бүрээтийэ, Дагестан, Тыва, Кемерово уобалаһын, Красноярскай кыраай, Москва уонна Санкт-Петербург сүүмэрдэммит хамаандаларын бэрэстэбиитэллэрэ тустуохтара.

Күрэхтэһии бырагыраамата:

Сэтинньи 27 күнэ — күрэсчиттэри көрсүү, мандаат хамыыһыйатын үлэтэ. Сэтинньи 28 күнэ — күрэхтэһии 1-кы күнэ — бастакы көрсүһүүлэр, Арассыыйа Куубагын үөрүүлээх аһыллыыта. Сэтинньи 29 күнэ — күрэхтэһии 2-с күнэ, тиһэх көрсүһүүлэр. Сэтинньи 30 күнэ — күрэсчиттэр тарҕаһыылара.