Видео. Кенжебек сахалыы ыллаата

Share

Самаан сайын буолбутунан, “Туймаада” стадиоҥҥа “Үтүө” бэстибээл буолан ааста. Манна ыҥырыылаах ыалдьыт – Арассыыйаҕа үгүс дьон сүрэҕин сүүйбүт, ураты кэрэ куоластаах казах ырыаһыта Кенжебек Нурдолдай ыллаата. Кини Александр Самсонов-Айыы Уолун “Сардаана сибэкки” ырыатын ыллаабытын көрөөччүлэр  уруйдуу көрүстүлэр.

Маны тэҥэ, бэстибээл чэрчитинэн, Кенжебек саха ырыаһыттарын кытта бииргэ ыллаата, чуолаан Катя ЧКРШ кытта дуэттаата.

Быйыл олунньу ыйга Кенжебек Дьокуускайга кэлэн, кэнсиэртээн барбыта. Кэнсиэр олус ситиһиилээхтик барбыта, этэргэ дылы, “Триумф” уораҕайыгар толору аншлаг этэ. “Шоколад” диэн ырыата хит этэ.

Кенжебек Нурдолдай Казахстаҥҥа Акмолинскай уобаласка кыра сэлиэнньэҕэ төрөөбүтэ. Дьиҥэ, төрүүрүгэр көрөр эбит, 1 ыйыгар кирииптээн ыалдьыбыт, ол содулуттан көрбөт буолан хаалбыт, билигин бэрт кыратык сырдыгы кылатар. Ол эрээри, төрүөҕүттэн муусуканан олорор, айылҕаттан айдарыылаах, киһи дууһатын таарыйар ураты куоластаах.

Улахан сыанаҕа аан бастаан 13 саастааҕар тахсыбыт. Онно «Жұлдызай» диэн доруобуйаларыгар хааччахтаах оҕолор бэстибээллэригэр кыттыбыт. Карагандаҕа анал интэринээт-оскуоланы уонна Таттимбет аатынан ускуустуба колледжын бүтэрбит.

Кини көрбөппүн диэн быар куустан олорунан кэбиспэт. Бэлисипиэтиир да, хаҥкылыыр да. Кыра эрдэҕиттэн атыттартан хаалсыбат, толору олоҕунан олорор туһуттан, хаста да илиитин-атаҕын тоһуппута. Кенжебек билигин 21 саастаах.

Видео: социальнай ситимнэртэн.

Recent Posts

  • Интэриэһинэй
  • Сонуннар

Көтөрдөр хайдах кыстыылларый?

Кыһын, ахсынньыттан олунньуга диэри, Саха сиригэр кыстыыр көтөрдөргө саамай ыарахан кэмнэр буолаллар эбит. Ол туһунан…

4 минуты ago
  • Сонуннар
  • Сүрүн

Өймөкөөн Чысхаана «Поле чудес» биэриигэ уһулунна

Ахсынньы 21 күнүгэр Саха сирин Тымныытын хаһаайына Чысхаан Москваҕа "Бастакы" ханаалга Саҥа дьыллааҕы “Поле чудес”…

39 минут ago
  • Сонуннар
  • Уопсастыба

Төрүччүнү үөрэтии туһунан кэпсэттилэр

Нам улууһугар Фрунзе нэһилиэгэр кыраайы үөрэтээччи А.Е.Охлопкова төрүччүнү үөрэтии туһунан кэпсээтэ. Бу бэрт туһалаах тэрээһин…

1 час ago
  • Сонуннар
  • Чэгиэн

Төрөөбүт дойдубут эмтээх үүнээйилэрэ

Харыйа Эмкэ туттарга, бастатан туран, харыйа иннэтин хомуйан хаһааналлар. Иннэтин састаабыгар элбэх С битэмиин баара…

2 часа ago
  • Сонуннар
  • Сүрүн

Күн-дьыл туруга: ахсынньы 23 күнэ

Бу күннэргэ күн-дьыл туруга хайдаҕый? Тыалырар дуо? Төһө тымныы буоларый? Арктика кытылынан сорох сирдэринэн кыра…

3 часа ago
  • Сүбэһит

Саҥа дьылга уойбат туһугар тугу гынабыт

Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…

14 часов ago