Хаартыска уонна видео - Елена Потоцкая.
Дьокуускайга өрөспүүбүлүкэтээҕи тыа хаһаайыстыбатын кэпэрэтииптэрин сийиэһэ буолан ааста.
Пленарнай мунньахха кыттыбыт “Аччыгый баһаар” («Малый базар») тэрилтэни төрүттээбит Дмитрий Громов бэйэтин санаатын маннык үллэһиннэ:
— Биһиги “Аччыгый баһаарга” 29 тыа хаһаайыстыбатын кэпэрэтииптэрин түмтүбүт. Ааспыт сыл түмүгүнэн бу дьоммут 930 мөл. солк. тахса дохуоттаннылар. Маныаха оҥорон таһаарааччылар бэйэлэрэ оҥорон таһаарар бородууксуйаларын батарааччыларга туттарбакка, бэйэлэрэ атыылыыр буолан, бородууксуйаҕа эбии сыана эбиллибэт.
Кэпэрэтииптэр сийиэстэригэр Федерация Сэбиэтин сэнээтэрэ Егор Борисов, СӨ Бырабыыталастыбатын Бэрэссэдээтэлин солбуйааччы Сергей Местников, Ил Түмэн дьокутаата Александр Атласов кыттан, тэрээһин судаарыстыбаннай суолталанна.
“Тыа хаһаайыстыбатын кэпирээсийэтин туһунан” федеральнай сокуон ылыллаары турар буолан, сийиэс кыттааччылара бэйэлэрин үгүс сонун этиилэрин киллэрдилэр. Ол курдук, эрэгийиэннээҕи агроагрегатор биир эрэ хайысханан үлэлиэ суохтаах. Үүт, эт, оҕуруот аһын, балык, сир аһа уо.д.а көрүҥнэргэ агрегатордар эмиэ бааллара ордук. Маны таһынан, улуустардааҕы кэпэрэтииптэр бэрэстэбиитэллэрэ олорор түөлбэлэрин (Бүлүү умнаһа, илин эҥээрдээҕи уонна хотугулуу-илиҥҥи, киин, соҕуруу уонна соҕуруулуу-арҕаа, хотугу, арктическай улуустар) эмиэ учуоттуур тоҕоостоох.
“Оҥорон таһаарыы-батарыы” курдук өйдөбүл өрөспүүбүлүкэбитин инники күөҥҥэ таһаарыыга үлэлиэхтээх. Уһук Илин уокурукка ыаллыы олорор өрөспүүбүлүкэлэр олорор сирдэрин бэйэлэрин оҥорон таһаарар астарынан угуйар буоллулар. Холобура, бүрээттэр буузаларыгар кинилэр култууралара, эт аһы оҥорор ньымалара (ол иһигэр эттэрин амтана) киирэр. Манан сибээстээн, ас-үөл салаатыгар үлэлэһэр уопсастыбаннай тэрилтэлэри (“Саха сиригэр оҥоһулунна”, Ыалдьытымсах буолуу ассоциацията, “Саха сирин амтана” гастрономическай бэстибээл, Саха сиринээҕи Эргиэн палаатата уо.д.а.) өйүүр сорук турар.
Салгыы Дмитрий Громов бэйэтин этиитин маннык түмүктээтэ:
Уус Алдан улууһун Дүпсүн нэһилиэгин олохтоохторо, чуолаан "Сардаҥа" оҕо уһуйаанын иитиллээччилэрэ уонна үлэһиттэрэ Дьокуускайга уонна…
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…