КЭПСЭЭННЭ ИСТИЭҔИҤ: «Киһи күн үтүөтүн батыһар» (аудио)

sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Надежда Егорова-Намылы «Киһи күн үтүөтүн батыһар» диэн кэпсээнин истиҥ. 

СӨ култууратын, СӨ бэчээтин туйгуна, СӨ үтүөлээх суруналыыһа, “Саха сирэ” хаһыат ырытааччыта, намыын ааттаах суруналыыһа Надежда Егорова- Намылы аата саха ааҕааччытыгар биллэр аат. Суруналыыс Надежда Егорова Сунтаар улууһун Кутана нэһилиэгэр 9 оҕолоох Марфа Ивановна уонна Парфений Данилович Николаевтар үлэһит дьиэ кэргэттэригэр төрөөбүтэ. Оҕо сааһыттан тыа сирин олоҕун, үлэтин -хамнаһын билэн , элбэх кинигэ быыһыгар улааппыт кыыс ааҕыы алыптаах дойдутугар сиэтэн киллэрбит, билиигэ –көрүүгэ уһуйбут киһитинэн аҕатын киэн тутта ааттыыр.Кини сопхуос ыарахан үлэтиттэн быыс булан, кинигэ, хаһыат тута сытара, оҕо сааһын сырдык өйдөбүлэ.Аны биир киһи кэрэхсиирэ билиҥҥи саха литературатыгар иэйиилээх айымньыларынан ааҕааччы кутун туппут суруйааччы Галина Нельбисова — суруналыыс Намылы бииргэ төрөөбүт эдьиийэ.