Кэптэни эр дьонун түмсүүтэ көмө субуотунньук тэрийдэ

Уус Алдан улууһугар Владимир Прядезников, Пётр Перевалов эр дьон түмсүүтүн тэрийэн үлэлэтэллэр. 

Украинаҕа байыаннай эпэрээссийэҕэ  сылдьар Саян Софронов уонна Ариан Прядезников төрөппүттэригэр, соҕотох ийэ Анастасия Протопоповаҕа, биэнсийэлээх Мария уонна инбэлиит Михаил Софроновтар дьиэ кэргэттэригэр иккилии бырысыап оттук маһы бэлэмнээн киллэрэннэр үөрүүлэрин үрдэттилэр.

Утуйар уулара да көтө сылдьар төрөппүттэр Лөгөй нэһилиэгин баһылыгар Николай Поповка, кини солбуйааччытыгар  Егор Лугиновка, «Аал Уот» кырдьаҕастар түмсүүлэригэр өрүү ахсаабат кыһамньыларын, билсэ-көрсө олороллорун иһин махтаналлар.

Субуотунньукка бөһүөлэк эр дьоно көхтөөхтүк кытынна. Кинилэргэ сылаас эбиэти дьокутаат Галина Прокопьева, хаалыктаах хаамыы инструктора Галина Олесова, тыа хаһаайыстыбатын исписэлииһэ Геннадий Борисов бэлэмнээтилэр.

Ульяна БУРНАШЕВА-Уйана