Хаартыыска: Ааптар түһэриитэ.
Горнай Кэптинин олохтоохторо бырабыыталыстыба отчуотун мунньаҕар бэйэлэрин этиилэрин, туруорсууларын этиннилэр.
Раиса Алексеева, уһуйаан үлэһитэ:
— 2017 сыллаахха Бэрэсидьиэн Егор Борисов кэлэн, уһуйааммыт дьиэтин үөрүүлээх быһыыга-майгыга арыйбыта. Сүрдээх үчүгэй үлэлээх уһуйаан, ол эрээри, уу тохтуур сиригэр турар, онон сыл аайы хамсыыр. Тымныы буолан, икки хоско симиллэн олорбут кэмнээхпит. Саала үөһэтэ буруолуу турар, быйыл сылыйбытыгар, таммалаата. Саас хайдах буолуо биллибэт. Онон хапытаалынай өрөмүөнү туруорсабыт. Егор Борисов кэлэ сылдьан, элбэх оҕолоох Егоровтар дьиэлэрэ ититии ситимигэр холбонуохтаах диэн эппитэ. Билигин да ол холбоно илик. Биир уоллара байыаннай дьайыыга сылдьар. Бу иккис хочуолунай тутуллара буоллар, бары да холбонуо этибит, — диэн эттэ.
Манна улуус дьаһалтатын бэрэстэбиитэллэрэ хоруйдаатылар. «Мичээр» уһуйаан дьиэтигэр хапытаалынай өрөмүөнү ыытарга, тутуллубута 10 сыл кэнниттэн барыахтаах. Докумуоннара бэлэмнэнэн, 2026 сылга куонкуруска киирсиэхтээх.
Онтон хочуолунай туһунан эттэххэ, бырайыага оҥоһуллан, судаарыстыбаннай эспэртииһэтин ааста. Өрөспүүбүлүкэтээҕи куонкуруска биэрбиттэрин, бырабыыталыстыба хамыыһыйата өйөөбөтөх, онон салгыы федеральнай бырагыраамаларга сайаапкаласпыттар. Ону аастахтарына, 2025-2030 сылларга тутуллуон сөп диэн хоруйдаатылар.
СӨ Ньурбатааҕы оройуонун суутун быһаарыытынан борокуруор этиитэ толорулунна. Ол курдук, Ньурба куорат дьаһалтата сөптөөх үлэни…
Ньиэп сыаната хамсаабытын үрдүнэн, уматык сыаната уонча сылы быһа тохтоло суох үрдээн иһэр, онон уматыгы…
Өрөспүүбүлүкэ үбүн миниистирин эбээһинэһин толорооччу Иван Алексеев «Актуальное интервью» биэриигэ тыа хаһаайыстыбатыгар үбүлээһин суумата, бастакы…
Кэбээйи оройуонун суутун уурааҕынан Сангаар олохтооҕо Административнай быраабы кэһии туһунан кодексатын 6.1.1 ыстатыйатыгар көрүллүбүт административнай…
Сэтинньи ый Олоҥхо ыйыгар ананар. Кэбээйи улууһун Куокуй нэһилиэгэр Олоҥхо декадата саҕаланна. [gallery ids="254508,254509"] Тимофей…
Бүддьүөт син биир социальнай хайысхалаах диэн өрөспүүбүлүкэ үпкэ миниистирин эбээһинэһин толорооччу Иван Алексеев "Якутия 24"…