Хаартыска: Ангелина Васильева.
Кэптин нэһилиэгэ — Горнай улууһугар саамай ыраах, мөлтөх суоллаах нэһилиэк. Өрөспүүбүлүкэҕэ биир бастакынан Кэптиҥҥэ СӨ Бырабыыталыстыбатын отчуота саҕаланна.
2020 сыллааҕы биэрэпис түмүгүнэн, Кэптиҥҥэ 647 киһи олорор. Нэһилиэнньэ сүрүннээн сүөһү, сылгы иитиитинэн дьарыктанар. 2017 сыллаахха 50 миэстэлээх уһуйаан тутуллубута. 110 оҕолоох оскуола дьиэтигэр хапытаалынай өрөмүөн оҥоһуллубута.
Быйыл Горнай улууһугар Инфраструктураны сайыннарыы сыла биллэриллибитэ. Онон Кэптиҥҥэ нэһилиэнньэни ыраас уунан хааччыйар былааннаахтар.
Баһылык Дмитрий Борисов этэринэн, суолу оҥоруу үлэтэ салҕанар. Иллэрээ сыл «Тулааһын»’ тэрилтэ муниципальнай бырагырааманан Орто-Сурт — Кэптин суолугар 1,8 килэмиэтири оҥорбута. Билигин «Амгор» тэрилтэ 1,8 килэмиэтири оҥоро сылдьар. Нуоралдьыма үрэҕэр күргэ тутулла турар. Урут сайын тыраахтарынан, вездеходунан эрэ сылдьар буоллахтарына, «УАЗиктар» сылдьар буоллулар.
Бырабыыталыстыба дэлэгээссийэтин СӨ Култуураҕа, духуобунай сайдыыга миниистирэ Афанасий Ноев салайан кэллэ. Кини сахалыы лоп-бааччы дакылаатын олохтоохтор болҕойон иһиттилэр.
Кэптин олохтоохторо сүрүннээн саҥа хочуолунай, саҥа кулууп тутулларын туруорсаллар. Хочуолунай судаарыстыбаннай эспэртииһэни ааһан турар. Кулууп эргэ, тымныы, саахалланар туруктаах. Дьон мунньахха соннорун кэтэн олордулар. Саҥа кулууп симиэтэтэ оҥоһулла сылдьар. Маны тэҥэ, амбулаторияҕа быраас суоҕа ыарахаттары үөскэтэр.
Нэһилиэккэ 2020 сыллаахха оптоволоконнай ситим тардыллан, интэриниэт киирбитэ. Ол эрээри, Бүлүү диэкиттэн кэлэр буолан, онно саахал таҕыстаҕына, интэриниэт баран хаалар. Онон бу ситим Дьокуускайга тиийэ төгүрүччү барара буоллар, сибээс быстыа суох этэ. Маннык төгүрүччү ситими туруорсаллар. Билигин «Билайн» сибээһэ үлэлиир, сотору кэминэн «Мегафон» мобильнай оператора холбонуохтаах.
Бу сыл ахсынньы 18 күнүгэр Уус-Маайа улууһун суута Элдьикээн бөһүөлэгин олохтооҕор РФ ХК 111-с ыстатыйатын…
Былаас бэрэстэбиитэллэрэ, бырамыысыланнас хампаанньаларын салайааччылара уонна байыаннай дьайыы кыттыылаахтара хамсанар кыахтарын сүтэрбит буойуннарга көмө оҥоруутун…
Ахсынньы 23 күнүгэр Дьокуускай бириэмэтинэн күнүс 12:00 чааска Айсен Николаев сыл аайы оҥоһуллар Ил Түмэҥҥэ…
В.П.Решетников аатынан кырдьаҕастар уонна инбэлииттэр өрөспүүбүлүкэтээҕи интэринээт-дьиэлэригэр олорооччулар күннэрэ бэйэ-бэйэтигэр маарыннаһар: биир кэм бэрээдэктээх күннэр,…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Өтөх төҥүргэстээх" …
Нерюнгри оройуонун салаатын суут бириистэптэрэ биир тэрилтэттэн рекорднай суумалаах хамнаска иэһи ирдээтилэр. Нерюнгри олохтооҕо таҥастыыр…