Бүтүн Арассыыйатааҕы V төгүлүн ыытыллар «Көр, бу Арассыыйа!» куонкуруска түмүк тахсара бу кэллэ.
Ахсынньы 17 күнүгэр, Москва бириэмэтинэн түүн 12 ч., видео аккырыыккаларынан-атастаһыы куонкуруһугар куоластааһын түмүктэнэр. Саха сирэ көҕүлээбит күөн күрэһэ, биэс сыл устатыгар, дойду араас муннугуттан оҕолору түмэр улахан суолталаах тэрээһининэн буолла. Быйылгы тэрээһин Аҕа дойду сэриитигэр Улуу Кыайыы 80 сылыгар ананна.
Күөн күрэскэ Арассыыйа бары эрэгийиэннэриттэн 1635 хамаанда кытынна. Үлэлэр ахсааннарынан инники күөҥҥэ Саха сирэ, Крым уонна ДНӨ сылдьаллар.
«Куонкуруска кыттар оҕолор, кэнчээри ыччаттар дууһа кылын таарыйар дьиэ кэргэттэрин историяларын, кинилэр хос эһэлэрин уонна хос эбэлэрин хорсун-хоодуот быһыыларын, Улуу Кыайыы туһугар кылааттарын сэһэргииллэр. Видео-аккырыыккалар көлүөнэлэр ситимнэрин, киэн туттууларын көрдөрөллөр«, — диэн бэлиэтиир Ил Дархан Айсен Николаев.
Тэрийээччилэр куонкурус эдэркээн кыттааччыларын өйүүргэ ыҥыраллар. Куоласкытын күөн күрэс официальнай саайтыгар киирэн биэрэҕит: https://lookitsrussia.ru/.
«Хас биирдии куолас дьоннорун-сэргэлэрин, кинилэр историяларын туһунан ытыктаан, сүгүрүйэн, таптаан уонна киэн туттан туран кэпсээбит оҕолорго өйөбүл буолар«, — дииллэр тэрийээччилэр.
Бастыҥ видеороликтары Уһук Хоту уонна ДНӨ киинэ тыйаатырдарыгар көрдөрүөхтэрэ. Аахсыйа Саха сиригэр 27 киинэ тыйаатырыгар ыытыллыа, ону сэргэ ДНӨ киинэ саҥа саалатыгар буолуоҕа. Тыһыынчанан көрөөччүлэр куонкурустаһаччылар үлэлэрин көрүөхтэрэ.
Күөн күрэскэ сүрүн бирииһи таһынан, партнердар уонна тэрийэр кэмитиэт чилиэннэрэ олохтообут бэлэхтэрин тутар кыахтаналлар. Үс кураторга «Эрэгийиэннэр икки ардыларыгар доҕордуу сыһыаны олохтооһун иһин» номинация чэрчитинэн Ил Дархан Айсен Николаев анал бирииһэ туттарыллыа.
Куонкурус «Юные Якутяне» уопсастыбаннай хамсааһын көҕүлээһининэн, Ил Дархан Айсен Николаев өйөөн 2020 сыллаахха тэриллибитэ. Уратытынан Арасыыйа олохтоохторун болҕомтолорун тардыбыта.
СӨ Ил Дарханын уонна Бырабыыталыстыбатын пресс-сулууспата
Сэтинньи 4-6 күннэригэр Дьокуускайга фашизмы утары өрөспүүбүлүкэтээҕи III пуорум ыытыллыаҕа. Дьокуускайга "Норуот уонна аармыйа биир…
Арассыыйа бэрэсидиэньэ Владимир Путин көҕүлээһининэн Саха сиригэр култуура эйгэтэ сайдар. «Симэх» национальнай киин бэрэсидьиэн Гранынан…
А.Е.Кулаковскай-Өксөкүлээх Өлөксөй аатынан норуоттар сомоҕолоһууларын дьиэтигэр "Эйэ туһугар норуоттар сомоҕолоһуулара" Ыччат пуорума буолла. Тэрээһиҥҥэ ыччат…
Бүгүн, сэтинньи 3 күнүгэр, байыаннай дьайыы 25 байыаһын П.Ойуунускай аатынан норуоттар икки ардыларынааҕы аэропорка көрүстүлэр.…
Дьокуускайга П.А.Ойуунускай аатынан литература түмэлигэр бүгүн, сэтинньи 3 күнүгэр, күнүс 14.00 ч. "Дружба литератур –…
Уус Алдан улууһугар Өспөххө мобильнай интэриниэт вышката турда. 4G сибээскэ холбоммотох 100-1000 ахсааннаах нэһилиэнньэлээх пууннарыы…