Салгыы
Көрбүөччү Мари-Сырдык Күүс 2023 сылы билгэлээтэ

Көрбүөччү Мари-Сырдык Күүс 2023 сылы билгэлээтэ

26.12.2022, 20:38
Бөлөххө киир:

Көрбүөччү, айылҕаттан айдарыылаах Марисса Кононова-Сырдык Күүс 2023 сыл билгэтин оҥордо. Кини кэнники сылларга Саҥа дьыл буолуон иннинэ билгэлиир идэлээх. Дьиктитэ диэн, кини билгэлээһинэ үксэ туолар. Ол курдук, “ковид” ыарыы сүтэрин, сэрии буоларын, ууга барыыны, былыргы вирустар уһукталларын, о.д.а. былырыын билгэлээбитэ. Дьэ, 2023 сылга биһигини туох күүтэр эбитий?

Кини этэринэн, судургута суох уонна интэриэһинэй сыл күүтэр. Хайдах көрөрүнэн, соччо сааһылаабакка, ырыппакка эрэ суруйбут. “Куһаҕаны тарҕата сатаабаппын, бу – сэрэтии буолар. Сэрэтиини өйдөөн, сөпкө дьаһаннахха, сүтүк кыра буолар”, — диэн кини этэр.

  • Уулуссанан элбэх саллааттар сылдьалларын көрөбүн. Байыаннай буолуу бочуоттаах уонна “муодунай” буолуоҕа. Өссө атаакаҕа сүүрэн иһэр саллааттары көрбүтүм, ол аата, байыаннай киирсиилэр салҕаналлар.
  • Дойдуга “милитаризация” салҕанар. Байыаннай дьыалаҕа биисинэс олус барыстаах буолуоҕа.
  • Саҥа ракеталары оҥорон таһаараллар, сөмөлүөттэри ытыалыылларын көрөбүн. Арҕаа диэки ойуурдар (ойуур эрэ буолбатах) умайаллар. Биһиги сирбитигэр иирсээннэр (конфликт) буолаллар.
  • СНГ дойдуларыгар (Казахстан, Азербайджан, Армения…) бастаанньалар буолаллар. Токаев аармыйатын хомуйар.
  • Атын дойдуну кытары сэбилэниилээх киирсии буолар. Ол дойдуга референдум, бастаанньалар буолаллар, норуот долгуйар.
  • Саҥалыы ССРС-ка төннүү буолуо. Пионерскай этэрээттэри, оҕолору ытыалыырга, гранаталары быраҕарга, бойобуой роботтары-дроннары салайарга үөрэтэр байыаннай-патриотическай лааҕырдары, кыһыл былаахтары, Z буукубаны көрөбүн.
  • Илиҥҥи дойдулары кытары эйэбит өссө бөҕөргүө, эрэллээх доҕотторбут буолуохтара.
  • Улахан баһаардар, дэлби тэбиилэр буолуохтара. Арассыыйа биир куоратыгар  алдьархай тахсарын, дьон ытаһарын көрөбүн.
  • Кыраныыссаны сабыахтара. Дойдуттан туох эрэ “үтүөлээх-өҥөлөөх” эрэ дьон тахсар кыахтаныахтара. Дойду аҥаарыгар бойобуой бэлэмнэниини биллэриэхтэрэ (ол эрээри, үгүстэри таарыйыа суоҕа).
  • Цунами дуу, ураган дуу биир кыра куораты, эбэтэр, сэлиэнньэни суох гыныаҕа. Маны тэҥэ 8 бааллаах сир хамсааһына буолуоҕа.
  • Сир магнитнай хонуута үс бүк улаатыаҕа. Айылҕаҕа олохтоммут бэрээдэк кэһиллэр. Сайын хаар түһүөн сөп. Ханна баҕарар күн-дьыл буккуллар.
  • Халлаантан өлбүт көтөрдөр, балыктар, хомурдуостар түһэллэр. Кураан буолан, аһыҥа, саранча буулуур. Саха сиригэр кураантан күөллэр уолуохтара. Сир анныгар улахан холлоҕостор, дьаамалар үөскээбиттэр.
  • Элбэх баһаар буолар, планета аҥаарын кэриҥэ умайарын көрөбүн… Буруо, умайар уот куйаас сатыылыаҕа. Эрдэттэн көмүскэнэр мааскалары, анал тэриллэри ылынаргытыгар сүбэлиибин.
  • Мэдиссиинэ табаардара уонна миэдиктэр тиийбэт балаһыанньалара үөскүүр. Онон норуот мэдиссиинэтигэр төннөр мэһэйдиэ суоҕа. Биллибэт дьикти ыарыыттан дьон, кыыллар өлөллөр.
  • Сорох дойдуларга биллибэт көтөр эттиктэри (НЛО) көрүөхтэрэ. Арааһа, биһигини көрө-истэ, быыһыы кэлбиттэр. Ол эрээри, киһи-аймах уларыйдаҕына, бэйэтин эрэ иннин көрүнэриттэн (эгоизм) аккаастаннаҕына эрэ, быыһаныаҕа. Бу хас биирдии киһини таарыйар.
+1
30
+1
7
+1
2
+1
3
+1
33
+1
13
+1
28
Бары сонуннар
Салгыы
29 марта
  • -14°C
  • Ощущается: -21°Влажность: 40% Скорость ветра: 5 м/с

Сообщить об опечатке

Текст, который будет отправлен нашим редакторам: