Бүгүн Көрдөө.ру саайт сүрэхтэниэҕэ

Бүгүн, олунньу 13 күнүгэр, төрөөбүт ийэ тылбыт күнүгэр kerdee.ru (көрдөө.ру) диэн саҥа саайт сүрэхтэниэҕэ. Тэрээһин Дьокуускайга «Сахамедиа» холдинг медиа-киинигэр 11.00 чаастан буолуоҕа.

Саҥа саайт Саха сиригэр судаарыстыбаннай саха тыла туһаныллыытын, итиэннэ киэҥник сэҥээриллиитин эйгэтин кэҥэтэр  уонна саха тыла туттуллуутун хааччыйар сыаллаах үлэлиэҕэ. 

Бырайыак соруга — интэриниэт ситимигэр сахалыы тыллаах ис хоһооннооҕу бүүс-бүтүннүүтүн биир сиргэ түмүү, итиэннэ тыл ис суолтатын көрдүүргэ кыаҕы биэрии.  Онон манна туһанааччы сахалыы тыллаах СМИ-лэр, блогердар таһаарыыларын ис хоһооннорун кытта билсэр, тутаах тылларынан матырыйааллары көрдүүр буолуоҕа. Ону сэргэ, күнүс 15.00 чаастан медиа-кииҥҥэ сахалыы дьыктааны суруйуу ыытыллыаҕа. Төрөөбүт  тылбытыгар сыһыаннаах тэрээһиннэргэ көхтөөхтүк кыттарга ыҥырабыт.

Cайты манна киирэн көр: Көрдөө.ру

Онлайн көрүҥ:

https://youtube.com/live/D2DAAW03r_E?feature=share