Кэрэ аҥардар эрэ мас тардыһыахтара

Мас тардыһыыга Аан дойду дьахталларын күнүгэр аналлаах үгэс буолбут турнир ыытыллыаҕа.

Саха сиринээҕи мас тардыһыы федерацията уонна Манчаары аатынан өрөспүүбүлүкэтээҕи национальнай успуорт киинэ бу бээтинсэҕэ, кулун тутар 7 күнүгэр,  Аан дойду дьахталларын күннэригэр аналлаах дьахталлар ортолоругар мас тардыһыыга үһүс төгүлүн өрөспүүбүлүкэтээҕи турниры ыытыаҕа.

Үгэскэ кубулуйбут күрэхтэһиилэр «Модун» спортивнай комплекска ыытыллыахтара. Үөрүүлээх аһыллыы 10.00 ч. буолуоҕа.

Мас тардыһыытыгар мэтээл иһин дьахталлар эрэ киирсиэхтэрэ. Эрийсиилээх киирсиилэр сэттэ ыйааһыҥҥа: 50, 55, 60, 65, 75, 85 уонна 85 киилэттэн үөһэ ыйааһыннарга буолаллара күүтүллэр. Кыайыылаахтар уонна призердар сыаналаах бириистэри,  бэлэхтэри тутуохтара, диэн Sportyakutia.ru иһитиннэрэр.