Кэрэ кыыстыын киинэ көрүөм диэбитэ

Онлайн-платформаҕа киирэн, киинэ көрөбүн диэн түөкүттэр угаайыларыгар киирэн биэриэххэ сөп эбит.

Саҥа ньыма «Антикино» диэн урукку схемаҕа олоҕурар. Түөкүн бэйэтин кэрэ кыыс курдук туттан, сиэртибэтин кытта билсиһии саайтарыгар эбэтэр социальнай ситимнэргэ билсэр, ол кэнниттэн кэпсэтиини Telegram-ка көһөрөр туһунан этии киллэрэр. Бастакы сибидээнньэ иннинэ түөкүн «бэйэ-бэйэбитин үчүгэйдик билсэр туһугар» анал сыһыарыы нөҥүө бииргэ киинэ көрүөххэ диэн  ыҥырар.

Ол кэннэ сиэртибэҕэ албын сигэни ыытар. Туһанааччы сигэнэн киирдэҕинэ, подписканы төлөө диэн сурук тахсар. Баан каартатын дааннайдарын суруйаатын кытта хара санаалаахтар счекка киирэллэр уонна тута харчыны таһааран кэбиһэллэр.

* * *

Билсиһии саайтарыгар кэрэчээн кыыс  сибидээнньэҕэ кэлэргэ  сөбүлэһэр. Ол иннинэ сигэнэн киирэн, кэпсэтэргэ уопсай тиэмэлээх буоларбыт туһугар  интэриэһинэй киинэни бииргэ көрүөххэ диэн этии киллэрэр.

Сиэртибэ сигэнэн киирдэ да, түөкүттэргэ Госуслугатын, баанын счеттарын аһан биэрэр, харчытын уордарар.