Хаартыска: Анастасия Алексеева тиксэриитэ.
Кэлиҥҥи кэмҥэ бииртэн биир дириҥ ис хоһоонноох саха киинэтэ көрөөччү ураты болҕомтотун тардар буолла.
Бу күннэргэ чөмпүйүөн сүүрүк ат уонна кини эрэллээх жокейа Егор Оконешников туһунан дьиҥнээх олох түгэннэригэр олоҕурбут дириҥ ис хоһоонноох «СпидСтар» спортивнай драма-киинэ улахан экраҥҥа тахсаары турар. “SpeedStar (СпидСтар)” спортивнай драма премьерата өрөспүүбүлүкэ киинэ тыйаатырдарыгар 2025 сыл кулун тутар 27 күнүгэр буолуоҕа. Киинэҕэ өрөспүүбүлүкэ Аҕа баһылыгын бириэмийэтин сүүрдүүтүгэр үс төгүллээх чөмпүйүөн буолбут сүүрүк ат туһунан кэпсэнэр.
2009 сыллаахха тириэньэр Сергей Ядреев Москваттан ыраас хааннаах СпидСтар атыыр аты «Сахаплемобъединение» ассоциацияҕа анаан аҕалбыт. Киинэҕэ ат сүүрдүөн баҕалаах оҕо саастарыттан доҕордуулар Егор уонна Коля сылгы хаһаатыгар үлэлииллэрэ көстөр. Егор соторутааҕыта үөрэҕин бырахпыт буолан, төрөппүттэрин кытта кыыһырсара элбиир. Ол да иһин буолуо, иллэҥ кэмин атын кытта атаара сатыыр. Киниттэн биир сыл аҕа Коля, хайдахтаах да мөккүһүүгэ бэйэтин өрүү кини эрэ сөпкө эппитин курдук балаһыанньаҕа туруорар. Сотору кэминэн Егор Маринаны көрсөр. Эдэр дьон икки ардыгар бэйэ-бэйэҕэ истиҥ сыһыан үөскүүр.
Коля сүүрдүүгэ ситиһии ат түргэниттэн эрэ тутулуктаах дии саныыр, оттон Егор аттарга айылҕа кэрэтин көрөн, аты кытта биир уопсай тылы булар. СпидСтар кэлиэҕиттэн Егор чөмпүйүөн буолар баҕата күүһүрэр. Ат сүүрдүүтүн тыҥааһыннаах кэмигэр кини төрөппүттэригэр эрэ буолбакка, чуолаан бэйэтигэр олоххо аналын тургутар. Оҕолорго уонна улахан дьоҥҥо туһуламмыт бу спортивнай драма кыайыыга дьулуһуу, дьиҥнээх доҕордоһуу уонна таптал туһунан өйдөнүмтүө гына кэпсиир буолан, көрөөччү болҕомтотун тардар.
Киинэ режиссера уонна сценариһа Алексей Амбросьев, генеральный продюсер — Степан Порядин, продюсер — Владимир Тимофеев, оператордар: Семен Аманатов, Айтал Никитин, Серафим Федоров. Оруолларга: Павел Ченянов, Иннокентий Луковцев, Айталина Цыпандина-Винокурова, Павел Колесов, Степан Петров уо.д. а.
СпидСтар оруолун Айнцер Гут толорор. Бу ат 10 төгүл улахан күрэхтэһиилэргэ кыайбыта. Ол иһигэр үстэ — иккис миэстэ, иккитэ — үһүс миэстэни ылбыта. Айнцер Гут атаҕын эчэтэн, икки сыл устата Мэҥэ Хаҥалас улууһугар идэһэҕэ барар дьылҕаланан аһатыыга турбут. Дьиктитэ баар, тоҕо эрэ кэмэ кэлбэккэ, олоҕо уһаабыт…
Бу туһунан сиһилии “Саха сирэ” хаһыакка кэпсиэхпит.
СӨ Бырабыыталыстыбатын Бэрэссэдээтэлин бастакы солбуйааччы Дьулустан Борисов эрэгийиэннээҕи инвестиционнай килиимэт бырайыагын ырытар мунньаҕы салайан ыытта.…
В.К. Арсеньев аатынан «Уһук Илин» Бүтүн Арассыыйатааҕы литературнай бириэмийэ кыайыылаахтарын биллэрэр уонна наҕараадалыыр үөрүүлээх сиэр-туом…
Быйыл тохсунньу ыйтан ахсынньы 2 күнүгэр диэри Россельхознадзор Амур уобалаһыгар уонна Саха Өрөспүүбүлүкэтигэр управлениетын иниспиэктэрдэрэ…
Бу күннэргэ Волонтер күнүн бэлиэтээн аастыбыт. Онно элбэх волонтерскай хамсааһын үтүө санаалаах, амарах дууһалаах волонтердара…
Арассыыйа Дьоруойа Геннадий Трошев аатынан кадетскай оскуола-интэринээт иитиллээччилэрэ Кириэмил Баалыгар кыттыыны ылыахтара, диэн Мииринэй улууһун…
2023 сыл тохсунньутугар ФАПК «Якутия» АУо тэрилтэтигэр утах кутар лииньийэҕэ көрөр-истэр үлэһит дьахтар эчэйбит. Үлэ…