Ааспыт сылга ханнык киинэни дьон ордук элбэхтэ көрбүтүй?
Бу ыйытыыга Экстра Синема генеральнай дириэктэрэ Петр Чиряев быһаарбытынан, режиссер Константин Тимофеев «Лоокуут уонна Ньургуһун» киинэтин ордук элбэхтик көрбүттэрэ бэлиэтэнэр.
Холобур, тыа сирдэригэр ордук элбэх киһи сылдьыбыта ыйыллар. Ол курдук, Нам улууһугар Аппааны нэһилиэнньэтэ 1 621 буоллаҕына, киинэни аҕыста көрдөрбүттэригэр 1 305 киһи сылдьыбыта бэлиэтэнэр.
«Аппааныга киинэ саалата 180 миэстэлээх. Ол эбэтэр, хас киинэ ахсын саала толору кэриэтэ буолбут. Хаачыстыбалаах киинэ биһигини түмэр», — диэн этэр Петр Чиряев. Бэлиэтэнэринэн «Айта», «Лоокут уонна Ньургуһун», «Харчы. Иэстэбил» киинэлэри элбэх киһи көрбүт.
Дьоҕус нэһилиэнньэлээх пууннарга уонна култуура дьиэлэригэр киинэни көрдөрөргө «Экстра Синема» бырайыак 2022 сылтан үлэлиир. Бу кэм устатыгар өрөспүүбүлүкэҕэ 27 саала арылынна, биир саала шефтэһэн көмөлөһүү быһыытынан ДНӨ аһыллыбыта.
Сиһилии https://www.sakha.gov.ru/news/front/view/id/3383215 манна көрүҥ.
Өймөкөөн улууһугар тутулла турар Куйдуһун муостатын тутар бэдэрээтчит «СтройМост» ХЭУо бүгүҥҥүттэн, ыам ыйын 15 күнүттэн, …
Ааҕыыттан дьиҥ дуоһуйууну бэлэхтиир сахалыы тыллаах саамай кырдьаҕас «Чолбон» сурунаал муус устардааҕы нүөмэригэр ааҕыҥ: -…
"Лена" суһал бөлөх ЫБММ Хабаровскайдааҕы авиационнай-быыһыыр киин бөртөлүөтүнэн Өлүөхүмэ улууһун Кыыллааҕар уонна 1-кы Нөөрүктээйитигэр нэһилиэнньэлээх…
Ыам ыйын 12 күнүгэр “Мин кыраайым – мин киэн туттуум” төрөөбүт дойду күндүтүн уонна кэрэтин,…
Саха сирин үс улууһун баһылыктара баҕа өттүлэринэн «Боотур» этэрээти кытары байыаннай дьайыыга кытта бардылар. Бу…
Бу соторутааҕыта Таатта Уолбатыттан чугас тыатааҕы сылдьарын туһунан суруйбуппут. Бэҕэһээ, ыам ыйын 13 күнүгэр, тыатааҕыны…