Таатта Туора Күөл нэһилиэгин тус архыыбын хаартыскалара
Таатта улууһун Дьүлэй нэһилиэгэр олохтоох нэһилиэнньэ көҕүлээһинин өйүүр бырагыраама чэрчитинэн үгүс үлэ ыытыллыбыт. Ол курдук бу бырагыраама үлэлиэҕиттэн араас хайысхалаах бырайыактар оҥоһуллан үлэҕэ киирбиттэр.
Бу туһунан Дьүлэй нэһилиэгин баһылыгын солбуйааччы Любовь Ефимова санаатын үллэһиннэ:
-Олохтоохтор көҕүлээһиннэрин өйөөһүн бырагырааматынан өрөспүүбүлүкэҕэ үп көрүллэр. 500-1000 нэһилиэнньэлээх сирдэргэ субсидия кээмэйэ 2 мөл. солкуобайга тэҥнэһэр. Биһиги нэһилиэкпит олохтоох нэһилиэнньэҕэ көҕүлээһини өйүүр бырагыраамаҕа 2018 сылтан кыттар. Ол курдук ити сыл биһиги нэһилиэкпит сынньалаҥ зонатын үлэҕэ киллэрбитэ. 2019 сыллаахха Мэмэн Түөрэ диэн түөлбэҕэ чааһынай ыалларга киин ититэр ситими киллэриигэ матырыйаал ыларга ылсыбыта. 2021 сыллаахха бу бырагыраама көмөтүнэн кыайыы искибиэрин киин уулуссабытыгар оҥорбуппут. 2022 cыллаахха кылабыыһалары күрүөлээбиппит. 2023 сылга биһиги «Үтүө дьыала» чэрчитинэн уонна норуот күүһүнэн 2000 сыллаахха тутуллубут култуура уонна успуорт киинин аныгы теплоизоляционнай матырыйаалынан ититии үлэтин оҥорбуппут. Быйыл өрөспүүбүлүкэҕэ эмтээҕинэн биллэр күөллээх Кэрэхтээх алааска ыһыахтыыр түһүлгэни саҥардыы бырайыагынан кыттарга бэлэммит. Икки ураһаны, киирэр аарканы, дьон олорор тырыбыналарын, атыы-эргиэн лааппыларын саҥардан тутуу бырайыактанна. Кэрэхтээх алаас нэһилиэкпит биир ытык миэстэтинэн буолар. 2006-2007 cc ХИФУ биолого-географическай факультет күөллэри чинчийэр лабораторията Иннокентий Жирков салалтатынан чинчийэн барбыттара. Чахчы уута, бадараана эмтээҕин «Абалаах» бадараанын кытта тэҥ эмтээҕин дакаастаан Москваҕа, Томскайга баар институттарга ыытан ханнык ыарыыларга хайдах туттулларыгар лиссиэнсийэ ыларга сүбэлээбитэ да, үп-харчы тиийбэккэ ол кыаллыбатаҕа. Онон айылҕа анаабыт кэрэ миэстэбит нэһилиэк дьонугар-сэргэтигэр буолбакка, киэҥ араҥаҕа ытык миэстэ буолар.
Арина кыра оҕо ытыырыттан уһугунна. Арай өндөс гынан көрбүтэ, үстээх уола, алталаах кыыһа муостаҕа тохтубут…
Сай ортото буолла. Үгүс киһи уоппуска ылан ким оттуу, отоннуу, ким муораҕа сөтүөлүү тарҕаһар кэмэ…
2024 сыл тохсунньутугар Сунтаар улууһун Элгээйи сэлиэнньэтигэр быраас амбулаторията үөрүүлээх быһыыга-майгыга үлэҕэ киллэриллэн, 1,5 тыһыынчаттан…
Улуу Кыайыы 80 сылынан уоттаах сэрии толоонугар, ыраах тыылга да бэйэлэрин олохторун кэрэйбэккэ сэриилэһэн, охтон…
Кэлиҥҥи сылларга өрөспүүбүлүкэ оскуолаларыгар урбаан кииннэрэ тэриллэн, оскуола оҕолоро сувенир оҥоруутуттан саҕалаан, түргэнник ситэр салааны…
Саха сиригэр ханна даҕаны өрүс суола аһыллан, айан-сырыы үксээтэ. Айан хаһан даҕаны чэпчэки буолбат. Сыана…