Хаартыска: "Кинопоиск"
Муус устар 13 күнүгэр, субуотаҕа, киэһээ 11 чаастан 1 ханаалга «Закрытый показ» диэн Александр Гордон биэриитигэр «Кэрэни көрбүт» («Не хороните меня без Ивана») киинэни көрдөрүөхтэрэ, ырытыахтара. Бу иннинэ кулун тутар 30 күнүгэр көрдөрүөхтээхтэр этэ. Биэриини эрдэ устан бэлэмнээбиттэрэ.
Бастакы ханаалга бу киинэни «Феномен якутского кино» диэн билиһиннэрэллэр. Киинэни Арассыыйа көрөөччүтүгэр көрдөрүөх иннинэ, эспиэрдэр элбэх буолан мустан олорон, ырытаһаллар, кэпсэтэллэр. Бу кэпсэтии саха киинэтин «феноменын» тула буолара сэрэйиллэр. Бастакы ханаалга атах тэпсэн олорон ырытар, көрдөрөр буоллахтарына, саха киинэтин дойду үрдүнэн билиммиттэрин туоһута.
Киинэ сахалыы тылынан көстөрө сабаҕаланар, нууччалыы тиэкис аллараатынан титр быһыытынан барар. Ол эбэтэр, саҥатын-иҥэтин нууччалыы хос устубатахтар. Ыҥырыллыбыт ыалдьыттар истэригэр киинэ режиссера Любовь Борисова, сүрүн дьоруой Александр Чичахов, оонньообут артыыстар, нуучча биллэр режиссердара, уо.д.а. көстөллөр.
«Кэрэни көрбүт» киинэ 2022 сыл ахсынньытыгар киэҥ экраҥҥа тахсаат да, киинэ тыйаатырдарыгар 55 тыһыынча дуоллары хомуйбута. Маны тэҥэ, билигин «Винк», «Кинопоиск», «Окко» курдук сиэрбистэргэ эмиэ көстөр. Киинэ дьиҥнээх устуоруйаҕа олоҕурбут уонна саха дьонун, майгыларын, үгэстэрин тапталынан хоһуйбут, сырдык, сылаас тыыннаах буолан, көрөөччүгэ тута сөбүлэппитэ. Атын омуктар бу киинэттэн саха былыргы олоҕун, устуоруйатын, үгэстэрин билсиэхтэрин сөп.
Режиссер — Любовь Борисова, оруолларга оонньообуттара: Дариус Гумаускас, Александр Чичахов, Вячеслав Югов, Вера Ефремова, Кира Максимова, Михаил Кучеренко, Елена Маркова, Нюргуяна Шадрина, Степан Петров, Наталья Корякина, Иннокентий Дакаяров, уо.д.а.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…