Мария Павлова хаартыскаҕа түһэриитэ
Горнай улууһугар Бэрдьигэстээххэ П.Д.Аввакумов аатынан киин бибилэтиэкэҕэ сонун тэрээһин буолла.
«Нестер хартыыналара төрөөбүт алаһа дьиэбин, оҕо сааспын, ийэбин, аҕабын санаталлар» диэн айылҕаттан талааннаах уруһуйдьут, Аҕа дойду сэриитин кыттыылааҕа Кононов Нестер Софронович аатын үйэтитэр тэрээһин бибилэтиэкэҕэ буолла.
Худуоһунньук бииргэ төрөөбүт балта Мария Гоголева, кыра быраата Петр Кононов, чугас аймахтара, төрөөбүт нэһилиэгин дьоно, Аһыма бөһүөлэгин олохтоохторо, Бэрдьигэстээх оҕо ускуустубатын оскуолатын уруһуй кылааһын үөрэнээччилэрэ, улуус дьаһалтатын, култуура управлениетын салаатын салайааччылара, кэрэни кэрэхсиир нэһилиэк олохтоохторо муһуннулар.
Бу күн кинигэ-альбом биһирэмэ буолла. Кинигэни Кировскай нэһилиэгин бибилэтиэкэтигэр түөрт уонтан тахса сыл үлэлээбит, СӨ култууратын үтүөлээх үлэһитэ Иванова Татьяна Васильевна хомуйан бэчээттэппит. Худуоһунньук бииргэ төрөөбүттэрэ, чугас аймахтара истиҥ ахтыылары оҥордулар.
Салгыы бибилэтиэкэ улахан саалатыгар Нестер хартыыналарын быыстапкатын үөрүүлээх арыллыыта буолла. Мытаах, Маалтааны, Кировскай, Бэрдьигэстээх олохтоохторуттан хомуллан 16 хартыыналаах улахан быыстапка турда. Айылҕа, дьиэ кыыллара, экзотическай фрукталар уруһуйдаммыт хартыыналара, дьон мэтириэттэрэ бааллар. Дьиҥ талаан бу орто дойдуга олорон ааспыт туоһута — хартыыналар.
Нестер айымньылаах үлэтэ үйэтитилиннэ. Быыстапка атырдьах ыйын 9 күнүгэр диэри туруоҕа. Кэрэни кэрэхсиир улууспут олохтоохторун ыҥырабыт.
Мария Павлова, бибилэтиэкэр,
Бэрдьигэстээх, Горнай.
Хаартыскаларга М.Павлова түһэриилэрэ
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…