Кэргэнин өлөрбүт Нам улууһун олохтооҕун 11 сылга көҥүлүн быстылар

Кэргэнин өлөрбүт Нам улууһун олохтооҕун 11 сылга көҥүлүн быстылар. Бу туһунан өрөспүүбүлүкэ борокуратууратын пресс-сулууспата иһитиннэрэр.

2023 сыл тохсунньутугар кэргэнниилэр икки ардыларыгар этиһии тахсыбыт, онуоха эр киһи итирик туруктаах сылдьан, кэргэнин кырбаабыт. Дьахтары сутуругунан 28-тан тахсата охсубут. Ылбыт эчэйиититтэн дьахтар өлбүт.

Суут эр киһини 11 сылга кытаанах эрэсиимнээх холуонньаҕа хаайарга уураахтаата. Бириигэбэр сокуоннай күүһүгэр киирэ илик.