“Кэргэниттэн” хаартыскалардаах суругу туппут

Аҕыйах хонуктааҕыта Санкт-Петербург учуутала дьиэ кэргэн урукку хаартыскалардаах (архыып) “кэргэниттэн” иһитиннэрии туппут. Дьахтар архыыбы арыйбытын кэннэ 15 тыһ. солк. устан ылбыттар.

Сэтинньи 9 күнүгэр Татьянаҕа Телеграмыгар “кэргэнэ” сурук ыыппыт. Манна “кэргэнэ” дьиэ кэргэн урукку хаартыската угулла сылдьар архыыбы кыбыппыт. Чопчулаатахха, кини кэргэнин хаартыската турар, кини кэргэнин аата суруллубут биллибэт киһи суруйбут. Дьахтар кэлбит архыыбын арыйа сатыы турдаҕына, төлөпүөнүгэр бырагыраама холбоммут. Аҕыйах мүнүүтэнэн счетуттан харчы уһуллубутун туһунан СМС иһитиннэрии кэлбит. Дьолго, түөкүттэр иккитэ төхтүрүйэн 9 450 солк. уонна 5250 солк. эрэ устубуттар. Дьахтар тута бырагырааманы сотторо охсубут, “кэргэнэ буолуохсуту” кытта суруйсууну соппут уонна полицияҕа тыллаабыт.

Кэлин түөкүттэр дойду да, өрөспүүбүлүкэ даҕаны иһигэр педагогтары албынныыллара элбээбитин туһунан үгүстүк суруйаллар. Ол эрээри, бу курдук угаайыларга ким баҕарар киирэн биэриэн сөп. Билэр дьоҥҥутуттан даҕаны кэлбит сигэлэрин арыйарга тиэтэйимэҥ, ханнык даҕаны сыһыарыылары хачайдаамаҥ. Маҥнай чахчы билэр дьоҥҥут ыыппыттарын туоһулаһан эрэ баран арыйыҥ.