Кэргэннии Казачуктар үчүгэйдэр көрөр кыахтаммыттарыттан үөрүүлэрэ муҥура суох

Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар,  харахха эпэрээссийэлэри ситиһиилээхтик оҥороллор.

Офтальмология быраастара Үөһээ Халыма улууһугар оҥорбут эпэрээссийэлэрин түмүгүнэн кэргэннии Казачуктар үчүгэйдик көрөр кыахтаннылар. Быраастар эргэрбит өлбөөркөй хрусталигы ылан бырахтылар. Эпэрээссийэлэммит кэргэнниилэр сарсыныгар отой үчүгэйдик көрөр буолан, үөрүүлэрэ үгүс.

Офтальмологтар бу улууска 40-тан тахса эпэрээссийэни оҥордулар.

«Арктика улуустарыгар сөмөлүөтүнэн көтүү билиэтэ олус ыараханын учуоттаан, биһиги кинилэргэ көмөлөһөрбүт улахан суолталаах. Биһиги биригээдэлэрбит кинилэргэ тиийэннэр, олохтоохтор миэстэтигэр көмөнү ылаллар, эпэрээссийэ барыта Мэдиссиинэ булгуччулаах страховкатын полиһынан босхо оҥоһуллар”, — диэн Офтальмология өрөспүүбүлүкэтээҕи килиниичэскэй балыыһатын кылаабынай бырааһа Иван Луцкан иһитиннэрдэ.

(Офтальмология өрөспүүбүлүкэтээҕи киинин пресс-сулууспата)