«Кэриэстиир эн ааккын төрөөбүт норуотуҥ»

Балаҕан ыйын 25 күнүгэр саха биллиилээх поэта, публицист, очеркист, уопсастыбаннай диэйэтэл, «Бочуот Знага» орден кавалера, П.А.Ойуунускай аатынан судаарыстыбаннай бириэмийэ лауреата Сергей Степанович Васильев-Борогонскай төрөөбүт күнүн биир дойдулаахтара сыллата бэлиэтиибит.

Ол курдук, быйыл төрөөбүтэ 117 сылыгар поэт өлбөт-сүппэт айымньыларын, олорон ааспыт олоҕун сырдатар быыстапкалар, араас хабааннаах тэрээһиннэр Суотту нэһилиэгин култууратын тэрилтэлэригэр, бибилэтиэкэлэргэ, үөрэх тэрилтэлэригэр ыытылыннылар.

Оҕуруоттаах уонна Хоноҕор бөһүөлэктэригэр араадьыйанан репортажтар, С.С. Васильев-Борогонскай түмэл-дьиэтигэр экскурсия, нэһилиэк ыччаттара кыттыылаах миитин болҕомтону тартылар. Маны сэргэ, «Кэриэстиир эн ааккын төрөөбүт норуотуҥ» диэн бэртэхэй ТОК оонньуу буолла. Хамаанданан күрэхтэһии дьону-сэргэни сэргэхситтэ.

Раиса Черкашина,

Суотту, Уус Алдан.

Хаартыскаларга Ирина Осипова түһэриитэ