Көрсүөххэ диэри, «Манчаары оонньуулара»!

Таатта улууһун киинигэр Ытык Күөлгэ күрэс төрүт көрүҥнэригэр XXII «Манчаары оонньууларын» түмүктүүр тэрээһин «Дьулуруйар Ньургун Боотур» стадиоҥҥа буолла.

Саха олимпиадатынан аатырыан аатырбыт далааһыннаах тэрээһин саҕаланыыта да, түмүгэ да ураты чаҕылхайынан, күрэхтэһиилэр олус интэриэһинэйдик, сэргэхтик уонна сытыытык барбыттарынан дьону-сэргэни үөртүлэр, астыннардылар уонна истиҥ иэйиини хас биирдии киһиэхэ бэлэхтээтилэр. Курулаччы куппут ардахтар тохтоон, күнэ бастакы да, бүтэһик да тэрээһиннэргэ анаабыт курдук туран биэрдэ.

Быйылгы “Манчаары оонньууларыгар” уопсайа 1521 спортсмен кытынна,  уопсайа 9 рекорд олохтонно. Бу күрэсчиттэр үчүгэй бэлэмнээхтэрин көрдөрдө. Аныгыскы «Манчаары оонньуулара» Хаҥалас улууһугар ыытыллыа. Ону бигэргэтэн «Манчаары оонньуларын» былааҕа хаҥаластарга туттарылынна.

Бу үөрүүлээх ураты киэһээ күрэс төрүт көрүҥнэригэр «Манчаары оонньууларын» хамаанданан зачекка кыайыылаахтарын, призердарын эҕэрдэлээтилэр. Күрэсчиттэр: «Көрсүөххэ диэри, «Манчаары оонньуулара!»- дэстилэр, киэҥ нэлэмэн стадиоҥҥа өргө диэри бэйэ-бэйэлэрин эҕэрдэлэстилэр. “Манчаары оонньуулара” үйэлэргэ сал5анан бара туруо, саңа ааттар үүнэн-сайдан тахсан иһиэхтэрэ.

Хаартыскалар С.Баснаева түһэриилэрэ