Тэрийээччилэр «Көрүҥ, бу Арассыыйа!» Арассыыйатааҕы куонкуруска быйыл хаһааҥҥытааҕар да кыттыы көхтөөҕүн бэлиэтииллэр.
СӨ Аҕа баһылыгын уонна бырабыыталыстыбатын пресс-сулууспата иһитиннэрбитинэн, быйыл бу тэрээһиҥҥэ 30 245 оҕо дойду 89 эрэгийиэниттэн кыттарга сайаапка биэрдэ. Былырыын 27 640 оҕоттон сайаапка киирбитэ. Ордук Донецкай Народнай Өрөспүүблүкэтиттэн кыттыан баҕалаах оҕо ахсаана элбэх. Иккис миэстэҕэ — Саха Өрөспүүбүлүкэтэ. Үһүскэ — Нижнэй Новгород уобалаһа.
10 көхтөөх эрэгийэннэргэ киирдилэр:
1-кы миэстэ: ДНӨ – 384 сайаапка,
2-с миэстэ: Саха Өрөспүүбүлүкэтэ – 266,
3-с миэстэ: Нижнэй Новгород уобалаһа – 215,
4-с миэстэ: Астраханскай уобалас – 182,
5-с миэстэ: Луганскай Народнай Өрөспүүбүлүкэ – 176,
6-с миэстэ: Свердловскай уобалас – 145,
7-с миэстэ: Иркутскай уобалас – 117,
8-с миэстэ: Омскай уобалас– 109,
9-с миэстэ: Челябинскай уобалас– 108,
10-с миэстэ: Краснодарскай кыраай – 106.
Куонкурус сүрүн соруга — дойду эрэгийиэннэрин оҕолоро Арассыыйа устуоруйата уонна култуурата киэҥин арыйыы, сырдатыы, бэйэлэрин төрөөбүт дойдуларын устуоруйаларын үөрэтэллэригэр көҕүлээһин. Быйыл эдэр режиссердар үлэлэрэ «Мин дойдум. Мин устуоруйам» тиэмэҕэ ананна.
Кыттааччы оҕолору сэтинньи 1 күнүттэн ааттаах-суоллаах режиссердар, продюсердар, блогердар дьарыктыыллар, маастар-кылаастары ыыталлар, сүбэ-ама биэрэллэр.
Ахсынньы 7 -17 күннэригэр эдэр видеографтар видеоматырыйаалларыгар куоластааһын саҕаланыаҕа. Кыайыылаахтар сыаналаах бириистэринэн наҕараадаланыахтара.
Регистрация сэтинньи 25 күнүгэр түмүктэнэр. Онон бу официальнай саайтка https://lookitsrussia.ru киирэн өссө да сайаапка биэриэххэ сөп.
М.К.Аммосов аатынан Хотугулуу-Илиҥҥи федеральнай университекка үөрэххэ туттарсыы сүрүн хампаанньата бүттэ. Ааспыт нэдиэлэтээҕи туругунан, барыта 5000-тан…
Аныгы үйэ буолан, кэлиҥҥи кэмҥэ социальнай ситимнэри аны блогер оҕолор “ылан” кэбистилэр. Ол эрэ буолуо…
Бүгүн, балаҕан ыйын 8 күнүгэр, Саха сиригэр 8 чаастан Арассыыйа Өрөгөйүн ырыатынан куоластааһын ыытыллар 176…
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…