Көс омуктар оонньууларыгар саха уолаттара чөмпүйүөннээтилэр

Саха спортсменнара Айсиэн Мигалкин уонна Айсен Атастыров V Көс омуктар аан дойдутааҕы оонньууларыгар мас-рестлиҥҥэ чөмпүйүөннээн, кыһыл көмүс мэтээллэри Арассыыйа хомуур хамаандатыгар аҕаллылар.

70 киилэҕэ диэри киирсэр Айсиэн Мигалкин финалга Кыргызстан мадьыныта Декмурзы Токтошевы 2:0 ахсаанынан кыайда. 80 киилэҕэ диэри киирсибит Айсен Атастыров Кыргызстантан сылдьар, аан дойду чөмпүйүөнэ Элдос Айтбаевы 2:0 ахсаанынан кыайда.

Казахстааҥҥа мас тардыһыытын турнирыгар Ил Дархан Айсен Николаев сырытта уонна уолаттарга ыарыйда.

Саха сирин спортсменнара Арассыыйа хомуур хамаандатын иһигэр киирэн, 21 көрүҥтэн 5-гэр кыттыахтара. Кинилэр Асык ату (казах норуотун оонньуута), Тогыз кумалак (казахтарга өй-мэйии оонньуута), Овари (Арҕааҥҥы Африкаттан өй-мэйии оонньуута) диэн оонньууларга, ох саанан ытыыга уонна мас тардыһыытыгар кыттыахтара.

Ил Дархан, бырабыыталыстыба пресс-сулууспата