Көтөрдөр хайдах кыстыылларый?

Кыһын, ахсынньыттан олунньуга диэри, Саха сиригэр кыстыыр көтөрдөргө саамай ыарахан кэмнэр буолаллар эбит.

Ол туһунан Ирбэт тоҥ биологическай проблемаларын чинчийэр институт  инженер-чинчийээччитэ Сергей Слепцов маннык кэпсээтэ:

— Мас көтөрдөрө түүн хаар анныгар киирэн хоноллор, адьас улахан тымныыга күнүс эмиэ хаар анныгар киириэхтэрин сөп. Кыра көтөрдөр: чооруостар, кэкэ-букалар, тоҥсоҕойдор тиит көҥдөйүгэр, тииҥ эргэ уйатыгар хоноллор. Суордар, кукаакылар, кыстыыр сиэмэх көтөрдөр, мэкчиргэлэр мас мутугар олорон утуйаллар. Куоракка, дэриэбинэҕэ кыстыыр барабыайдар, холууптар түүнүн дьиэлэр үрдүлэригэр, оһох турбатын төрдүгэр, сылаас уу дьиэлэргэ барар сирдэригэр хайаҕастары булан хоноллор. Мөлтөх, ыарыһах көтөр кыһыҥҥы улахан тымныылары кыайан туораабат, ыран, тоҥон өлөр.

Хаартысканы: С.Слепцов  түһэрдэ уонна ыытта