Киэргэммит кэлээскэлэр парааттыахтара

 От ыйын 8 күнүгэр — Дьиэ кэргэн, таптал уонна бэриниилээх буолуу күнүгэр Дьокуускайга «Кэлээскэлэр парааттара» буолуоҕа.

Бу параакка 6 саастарыгар диэри оҕолоох дьиэ кэргэттэр кытталлар. Оҕолоругар көстүүм кэтэрдэн, кэлээскэлэрин тугу баҕаралларынан, санаалара хоторунан киэргэтэллэр.

Параат Киров уулуссатынан — цииркэ искибиэриттэн Комсомол болуоссатагыра диэри буолар, күнүс 3 чаастан саҕаланар. Кыттыан баҕалаах дьиэ кэргэттэр mailto:metod.service@mail.ru электроннай аадырыска сайаапка ыытыахтаахтар. Сурукка туох баар дааннайдара (ааттара, төлөпүөннэрэ) суруллубут буолуохтаах. Сайаапкалары бэс ыйын 25 күнүттэн от ыйын 5 күнүгэр диэри туталлар.

Куонкурус балаһыанньата — манна.

Кыайыылаахтары от ыйын 8 күнүгэр Дьиэ кэргэн бэстибээлигэр наҕараадалыахтара. Сыл аайы ыытыллар буолан, бу куонкуруска төрөппүттэр олус бэркэ бэлэмнэнэллэр, кэлээскэлэри араастаан киэргэтэллэр. Көрүөххэ олус интэриэһинэй буолар.

Маннык номинациялар бааллар:

1. «Дьиэ кэргэн аптаах каретата»;

2. «Остуоруйа кэлээскэтэ»;

3. «Чудо-техника»;

4. «Сахалыы (нууччалыы, эбээннии) киэргэтиилээх кэлээскэ»;

5. «Сайыҥҥы фантазия»;

6. «Спортивнай кэлээскэ»;

7. «История: 100-летие ЯАССР»;

8. «Мир фауны (или флоры)»;

9. «Инники олохтон кэлбит кэлээскэ»;

10. «Креативнай кэлээскэ».