Хаартыска: И.Бочкарев тиксэриитэ
Өрөспүүбүлүкэ хайыһары таптааччыларын икки ардыларыгар биирдиилээн уонна хамаанданан бастыыр иһин күрэхтэһии буолла.
Күүрээннээх күрэхтэһии Улуу Кыайыы үбүлүөйдээх 80 сылыгар ананна, Дьокуускай таһыгар буолла. Урутаан эттэххэ, күрэхтэһиигэ Дьокуускай бастаата, Уус Алдан иккис буолла. Чурапчылар үһүс бириистээх миэстэни ыллылар.
Бу күрэхтэһиигэ Уус Алдан Бээдититтэн төрүттээх, өрөспүүбүлүкэҕэ биллэр бэтэрээн хайыһардьыт Иннокентий Захарович Бочкарев бастакы миэстэни эрэллээхтик ылла. Онон Дьокуускайга олорор биир дойдулаахпыт дьонун-сэргэтин улаханнык үөртэ. Спортсмен бу сылга номнуо үһүс мэтээлин ылбыт. Саҥа сылын үчүгэйдик саҕалаабытыттан үөрэрэ. Бэйэтэ бэлиэтииринэн, күрэхтэһиилэр өссө да күүтэллэр.
Манна эбэн эттэххэ, Иннокентий Захарович Дьокуускайга Саха сиригэр физическэй култуура уонна успуорт үтүөлээх үлэһитэ, Аҕа дойду сэриитин бэтэрээнэ Слепцов Александр Будимирович сырдык кэриэһигэр уонна Аҕа дойду уоттаах сэриитигэр Улуу Кыайыы 80 сылыгар ананан ыытыллыбыт Дьокуускай куорат олохтоохторун ортотугар хайыһарга аһаҕас күрэхтэһиигэ бэйэтин саастыылаахтарыгар иккис бириистээх миэстэни ылла.
Биһиги, биир дойдулаахтара, киэн туттар спортсмеммытыгар инники өттүгэр ситиһиилэри баҕарабыт.
Спорт бэтэрээнэ Иван Сивцев-Бээди
Хаартыскалар: Иннокентий Бочкарев тиксэриилэрэ
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…