Хаартысканы Эрхаан тиксэрдэ.
Саха биллиилээх ырыаһыта Эрхаан Запорожьеҕа аһымал аахсыйалаах баран кэллэ. Онно сырыытын туһунан кэпсииригэр кини: «Биһиги буойуттарбыт бу байыаннай эпэрээссийэҕэ хайаан да кыайыахпыт диэн бары эрэллээхтэр. Кыайыы кынаттаах эргиллэн кэлиэхпит, эһиги кытаатыҥ, биһиги туспутугар Айыылартан көрдөһүҥ, биһигини умнумаҥ дииллэр. Онон бу курдук анараа аҕыс хонук волонтердаан баран, биһиги уолаттарбыт маладьыастар да эбит диэн санаалаах дойдубар эргиллэн кэллим”, — диир.
— Байыаннай эпэрээссийэҕэ кытта сылдьар оҕолоох төрөппүттэр кэмитиэттэригэр баарбын. Бу ааспыт олунньу 23 күнүн эргин Аҕа дойдуну көмүскээччилэр күннэригэр байыаннай эпэрээссийэҕэ кытта сылдьар буойуттарга өйөбүл буолар сыаллаах кэнсиэртии, мантан баһыылка илдьэн биэрэ уонна, оттон, таарыйа онно байыаннай сулууспаҕа сылдьар уолбун көрсөр санаалаах үлэбиттэн уоппуска ылан барбытым.
ДНӨ-ҕа, Запорожьеҕа сырыттым. Онно күн аайы үс-түөрт сиргэ сылдьан, кэнсиэр көрдөрдүм, гуманитарнай көмө баһыылкаларын туттардым уонна тус бэйэм улахан сыалым диэн уолбун көрүстүм. Оҕобун икки хонукка сынньата таһааран, гостиницаҕа киһилии ороҥҥо утутан сынньата түстүм, кэлиэхтээх уоппускатын түргэтэтэргэ кэпсэттим. Онтум манна кэлээппин кытта кэннибиттэн аҕыйах хоноот, уоппускаҕа ыытар буоллулар диэн үөрүүлээх сонуну сибээскэ тахсан ыыппыта. Бу билигин ол уоппуската бүттэ кэриэтэ.
Ити айаммыттан улаханнык киэн туттан кэлбитим диэн – саха уолаттарын туйгун сулууспалара уонна Сахам сириттэн гуманитарнай көмө тохтоло суох тиийиитэ, ахсаабат көмөтө. Атын да омуктар кэпсииллэринэн, Саха сириттэн хайа да эрэгийиэннэрдээҕэр көмө олох үчүгэйдик тиийэ турар, Саха сирдэрэ — маладьыастаргыт, уолаттаргытын наһаа өйүүр эбиккит дииллэр. Кырдьык, анараа түүннэри-күнүстэри таһаҕас кэлэ турар. Оттон саха буойуттара “биһиги Сахабыт сирин, дьоммут-сэргэбит өйөбүлүн, үрдүк итэҕэлин түһэн биэрбэт курдук сылдьарга кыһанабыт, Сахабыт сирин үтүө аатын ааттата сылдьыахпыт” диэн этэллэр. Кинилэр дойдубутугар, дьоммутугар-сэргэбитигэр көмө, өйөбүл иһин махталбытын тиэрдээриҥ диэн илдьиттээтилэр.
Биһиги уолаттарбыт үксүлэрэ инники кирбиигэ сылдьаллар. Онно сахалар былдьаһыкка сылдьар эбиттэр. Сахалары кытта бойобуой садаанньаҕа сырыттахха, эрэллээхтик сылдьаҕын диэн аппысыардар да этэллэр. Нуучча, омук саллааттара кинилэри олох “ангелы-хранители” дииллэр. Онно баар саха сатаабата суох, барытын бары сатыыллара, булугастара, өйдөрө сөхтөрөр диэн өйдөбүл баар.
Биһиги буойуттарбыт бу байыаннай эпэрээссийэҕэ хайаан да кыайыахпыт диэн бары эрэллээхтэр. Кыайыы кынаттаах эргиллэн кэлиэхпит, эһиги кытаатыҥ, биһиги туспутугар айыылартан көрдөһүҥ, биһигини умнумаҥ дииллэр. Онон бу курдук анараа аҕыс хонук волонтердаан баран, биһиги уолаттарбыт маладьыастар да эбит диэн санаалаах дойдубар эргиллэн кэллим.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…