2022 сыл сэтинньи 15 күнүгэр Сир шарын нэһилиэнньэтин ахсаана 8 миллиарды куоһарда. Бу туһунан ХНТ (ООН) пуондатын дааннайдара туоһулууллар.
Бу пуонда сабаҕалыырынан, 2030 сылга планета нэһилиэнньэтин ахсаана 8,5 миллиард, 2050 сылга 9,7 миллиард, 2100 сылга 10,4 миллиард киһиэхэ тэҥнэһиэҕэ. 12 сыллааҕыта нэһилиэнньэ ахсаана 7 миллиард киһи этэ. Ол эбэтэр, 12 сыл иһигэр 1 миллиард киһи эбиллибит. Оттон XIX үйэ саҕаланыыта планетаҕа 1 миллиард киһи олорор этэ. Икки үйэ устата киһи аймах ахсаана 8 төгүл эбиллибит.
ХХ үйэ саҥатыгар 1,6 миллиард киһи баар эбит буоллаҕына, 100 сыл иһигэр 6 миллиардка тэҥнэспитэ, өссө 10 сылынан 7 миллиард буолбута. Онон кэнники кэмҥэ уоннуу сыл иһигэр 1 миллиард киһи эбиллэр буолбут. Бу элбээһини мэдиссиинэ сайдыытын, санитария эйгэтэ сайдыбытынан, быһыы туруорар буолбуттарын, иһэр уу, ас-таҥас элбээбитин кытары сибээстииллэр.
2050 сылга диэри Африка дойдуларыгар улахан эбиллии барара күүтүллэр. Бу дойдуларга нэһилиэнньэлэрин ахсаана икки төгүл эбиллиэн сөп. Оттон Европа дойдуларыгар, төттөрүтүн, аҕыйыаҕа.
Саамай элбэх нэһилиэнньэлээх дойдулар
1 Кытай 1 425 893 000 киһи
2 Индия 1 407 564 000
3 АХШ 336 998 000
4 Индонезия 273 753 000
5 Пакистан 231 402 000
6 Бразилия 214 326 000
7 Нигерия 213 401 000
8 Бангладеш 169 356 000
9 Арассыыйа 145 103 000
10 Мексика 126 705 00.
Саха сиригэр чугастааҕы кэмҥэ ураты баһаарынай эрэһиим биллэриллиэҕэ. Маннык быһаарыы сылаас күннэр турбуттарынан уонна бастакы…
Саха сиригэр соҕуруулуу-илин, түүн киин улуустарга инчэҕэй хаар уонна ардах түһэрэ күүтүллэр, оттон өрөспүүбүлүкэ атын…
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …